ԱՄՆ-ը զորքերի կոնտինգենտ է ուղարկել Նիգերիա
ՄԻՋԱԶԳԱՅԻՆ
Ամերիկայի Միացյալ Նահանգները զորքերի կոնտինգենտ է ուղարկել Նիգերիա, հայտարարել է ԱՄՆ-ի՝ Աֆրիկայի հրամանատարության ղեկավար, գեներալ Դագվին Անդերսոնը։
Նա նշել է, որ խոսքը վերաբերում է փոքր թվով զորքերին, գրել է Reuters-ը։
Ռոյթերսը մեջբերում է գեներալի խոսքերը, որոնք նա ասել է ԱՄՆ-ում կայացած ճեպազրույցի ժամանակ։ Զորքերի տեղակայման պատճառն «Իսլամական պետության» դեմ պայքարն է։
Անդերսոնի հայտարարությունն առաջին անգամ է հաստատում ամերիկյան ուժերի ներկայությունը տեղում՝ Սուրբ Ծննդյան տոների ժամանակ Վաշինգտոնի կողմից ավիահարվածից հետո։
Անդերսոնն ասել է, որ ԱՄՆ զորքերը Նիգերիա են ուղարկվել երկու երկրների համաձայնությունից հետո։ Նա նշել է, որ «ավելին պետք է արվի Արևմտյան Աֆրիկայում ահաբեկչական սպառնալիքի դեմ պայքարելու համար»։ «Սա հանգեցրել է մեր երկրների միջև համագործակցության աճին, այդ թվում՝ փոքր ամերիկյան թիմի ստեղծմանը, որը եզակի հնարավորություններ է բերում Միացյալ Նահանգներից», - հայտարարել է գեներալը։
Նիգերիայի պաշտպանության նախարար Քրիստոֆեր Մուսան նույնպես հաստատել է, որ ամերիկացիները ներկա են երկրում։
Աշնանը ԱՄՆ նախագահ Դոնալդ Թրամփը հայտարարել էր, որ Նիգերիայի իշխանությունները «թույլ են տալիս քրիստոնյաների սպանությունը» և չէր բացառել ԱՄՆ ուժերի՝ Նիգերիա «մուտքի» հնարավորությունը։ Թրամփը հանձնարարել է Պենտագոնին «պատրաստվել հնարավոր գործողություններին»։
