Իմ հանձնարարությամբ ԱՄՆ-ն հզոր և ջախջшխիչ հարվшծ է հասցրել Նիգերիայի հյուսիս-արևմուտքում գտնվող ահաբեկչակшն խմբավորմանը. Թրամփ
ՄԻՋԱԶԳԱՅԻՆ
«Այսօր երեկոյան, որպես գլխավոր հրամանատար, իմ հանձնարարությամբ Միացյալ Նահանգները հզոր և ջախջախիչ հարված են հասցրել Նիգերիայի հյուսիս-արևմուտքում գտնվող Իսլամական պետություն ահաբեկչական խմբավորմանը։ Այս ահաբեկիչները միտումնավոր և դաժանորեն սպանում են հիմնականում անմեղ քրիստոնյաների՝ տարիներ, նույնիսկ դարեր շարունակ աննախադեպ մասշտաբներով, գրել է ԱՄՆ նախագահը Truth Social սոցիալական ցանցում։
Ես արդեն զգուշացրել եմ այս ահաբեկիչներին, որ եթե չդադարեցնեն քրիստոնյաների կոտորածը, ապա դժոխային պատժի կենթարկվեն։ Եվ այսօր երեկոյան նրանք դա ստացան: Պատերազմի նախարարությունը բազմաթիվ անթերի հարվածներ է հասցրել, որոնց միայն ԱՄՆ-ն է ունակ։ Իմ ղեկավարությամբ մեր երկիրը թույլ չի տա, որ արմատական իսլամական ահաբեկչությունը ծաղկի։ Թող Աստված օրհնի մեր բանակը և բոլորի Սուրբ Ծնունդը, ներառյալ՝ զոհված ահաբեկիչներին, որոնք ավելի կշատանան, եթե շարունակեն սպանել քրիստոնյաներին», - նշել է Թրամփը:
