Իսպանիայում ցանկացած խաղ շատ դժվար է, եթե չես խաղում 100 տոկոսով․ Ֆլիկ

«Բարսելոնայի» գլխավոր մարզիչ Հանս-Դիտեր Ֆլիկը Լա լիգայի 16-րդ տուրի «Օսասունայի» դեմ կայանալիք խաղից առաջ անդրադարձել է նաև Մադրիդի «Ռեալի» հետ մղվող չեմպիոնական մրցավազքին։

«Կարևոր չէ, թե ով է մրցակիցը։ Իսպանիայում ցանկացած խաղ շատ դժվար է, եթե չես խաղում 100 տոկոսով։ Ճանապարհը երկար է։ Հիմա դեկտեմբերն է, և առջևում շատ խաղեր կան։ Կարևոր է նայել ինքներս մեզ։ Կան բաներ, որոնք կարող ենք բարելավել։ Ճիշտ մտածելակերպն այն չէ, որ պետք է ինքնագոհ լինենք այն բանի համար, թե որտեղ ենք հիմա։ Մենք 100 տոկոսով կենտրոնացած ենք մեր վրա, այլ ոչ Մադրիդի «Ռեալի» վրա։

Մենք պետք է շարունակենք առաջ շարժվել։ Միայն մրցաշրջանի ավարտը ցույց կտա, թե ինչի ենք հասել։ Երբ խաղացողների միջև մրցակցություն կա, դա լավ է, քանի որ նրանք միշտ պետք է լինեն իրենց լավագույն վիճակում։ Այն, ինչ ես վերջերս տեսել եմ մարզումների ժամանակ, անհավանական է», — նշել է Ֆլիկը։

«Բարսելոնա»-«Օսասունա» հանդիպումը կկայանա վաղը՝ դեկտեմբերի 13-ին, Երևանի ժամանակով 21:30-ին։