Սփիների թաքնված վտանգը․ խաղալիքը դժբախտության պատճառ կարող էր դառնալ
ՖՈՏՈ
Ցանկացած ծնող լավագույնն է ցանկանում իր երեխայի համար։ Վերջին շրջանում երեխաներն ու երիտասարդները միայն սփիներների մասին են մտածում։ Դրանք այժմ ամենապահանջված խաղալիքների շարքում գլխավոր հորիզոնականն են զբաղեցնում։
Marketium-ը գրում է, որ առաջին հայացքից սովորական ու անվնաս խաղալիքը կարող էր դժբախտության պատճառ դառնալ։ Քելի Ռոուզը սփիներ էր գնել իր 10-ամյա դստեր համար, ով վաղուց էր այն ցանկանում։ Երեխան տևական ժամանակ չէր բաժանվում նոր խաղալիքից։
«Մեքենայով տուն էինք վերադառնում, երբ հետևի նստարանից տարօրինակ ձայներ լսեցի։ Դուստրս խեղդվում էր, նրա դեմքը կարմրել էր։ Արագ կանգնեցրի մեքենան ու փորձեցի օգնել նրան, սակայն ապարդյուն։ Արագ հասանք հիվանդանոց, որտեղ պարզվեց, որ դուստրս սփիների մասնիկ է կուլ տվել։ Այն վիրահատության միջոցով հանեցին»,- պատմել է նա.
Այժմ Քելիի դուստրը լավ է, սակայն նա այլևս երբեք թույլ չի տա, որ երեխան սփիներով խաղա։
