Վթարից հետո շատերն ինձ մոռացան, հրավերներ այլևս չեն անում. Ջուլիա Սաղաթելյան
ՖՈՏՈ
Life.Panorama.am-ը գրում է.
Life.panorama.am-ի զրուցակիցն է դերասանուհի Ջուլաի Սաղաթելյանը, ով 2015թ-ի նոյեմբերին ավտովթարի ենթարկվելուց հետո այլևս չի աշխատում:
Ավտովթարի հետևանքով դերասանուհին վնասել էր ողնաշարն ու աջ ոտքը: Սկզբնական շրջանում Ջուլիան դժվարությամբ էր քայլում, սակայն մեզ հետ զրույցում նշեց, որ լիովին առողջացել է.
«Փառք Աստծո, արդեն երկար ժամանակ է, ինձ լավ եմ զգում, լիովին առողջացել եմ, բայց վթարից հետո շատերն ինձ մոռացան, հրավերներ այլևս չեն անում՝ գուցե մտածելով, որ ի վիճակի չեմ աշխատելու, գուցե չեն ուզում անհանգստացնել, բայց իրականում ես պատրաստ եմ»,- նշեց դերասանուհին ու շարունակեց.
«Պետք է խոստովանեմ, որ այնքան էլ չեմ տխրում, որ չեմ աշխատում, ինձ այս կարգավիճակում շատ լավ եմ զգում: Իրականում լավ առաջարկների դեպքում չեմ հրաժարվի, բայց այս ընթացքում հասցրել եմ նաև վերարժևորել ունեցածս ու ավելի երկար մտածել ապագայի մասին»:
Ջուլիա Սաղաթելյանն այս պահին արդեն իսկ մեծ ծրագրեր ունի, որոնց առաջին քայլերն արված են.
«Սեպտեմբերից կբացվի իմ մանկական թատերական խմբակը, որի հաջողության դեպքում կստեղծեմ մանկական թատրոն: Այս նախագիծս իրականացնելու եմ ընկերներիս հետ միասին, ովքեր ապրում են ԱՄՆ-ում և Ֆրանսիայում և արդեն իսկ այնտեղ ունեն նման խմբակներ: Հետագայում իմ խմաբկի երեխաները հյուախաղերով կմեկնեն նրանց մոտ, և համապատասխանաբար՝ իրենց սաներն էլ կգան այստեղ, փորձի ու աշխատանքի փոխանակում կունենանք, որը երեխաների մեջ կզարգացնի մշակութային կուլտուրան, սփյուռքի երեխաներին էլ ավելի կմոտեցնի հայրենիքին»,- պատմեց դերասանուհին:
Շարունակությունն՝ այստեղ.
