Telegraph. Ուկրաինան կարող է հրաժարվել կորցրած տարածքներից՝ հանուն կարգավորման

Ուկրաինան կարող է հրաժարվել կորցրած տարածքներից՝ ռազմական գործողությունները դադարեցնելու և զենքի մատակարարման և ՆԱՏՕ-ին անդամակցելու ճանապարհի տեսքով անվտանգության երաշխիքներ ստանալու համար։ Ինչպես հաղորդում է բրիտանական The Daily Telegraph թերթը՝ հղում անելով աղբյուրներին, Վլադիմիր Զելենսկին մեղմացրել է իր դիրքորոշումը ռուս-ամերիկյան գագաթնաժողովից առաջ։

Նրաց խոսքով՝ Ուկրաինայի իշխանությունները պատրաստ են սառեցնել հակամարտությունը մարտական գործողությունների ներկայիս գծի երկայնքով։ Միևնույն ժամանակ, Կիևը չի ցանկանում զիջել ԴԺՀ-ի, ԼԺՀ-ի, Խերսոնի և Զապորոժիեի մարզերում իր վերահսկողության տակ գտնվող տարածքները։

Ինչպես նշում է թերթը, եվրոպացի պաշտոնյաները կարծում են, որ Զելենսկին «հնարավորություն ունի գործել ուկրաինացի ընտրողների աճող թվի շահերից ելնելով, ովքեր պատրաստ են համաձայնվել Մոսկվային տարածքային զիջումների՝ ռազմական գործողությունների դադարեցման դիմաց»։

Հրատարակության տվյալներով՝ Զելենսկին «պետք է խելացի լինի, քանի որ երկրի սահմանադրությունը նրան թույլ չի տալիս զիջել տարածքներ առանց ազգային հանրաքվեի»։