Գիտնականներ․ սեռական ակտիվությունը կախված է հարաբերությունների տևողությունից
ՖՈՏՈ
Ֆինլանդիայի համալսարանի աշխատակիցները հայտարարել են, որ երկարատև հարաբերություններն ազդում են կանանց սեռական ցանկության վրա։ Այս եզրահանգումը կատարվել է հետազոտության արդյունքների հիման վրա։
Ավելի քան 7 տարի տևած գիտական հետազոտությանը մասնակցել են 2000-ից ավելի կանայք, ովքեր արդեն մոտ են դաշտանադադարին։ Պարզվել է, որ այս ընթացքը կանանց մոտ տեղի է ունենում տարբեր ձևերով և սեռական ցանկության նվազումը ևս եղել է շատ տարբեր։ Նշվում է, որ այս տարբերության պատճառը եղել են սեռական զուգընկերները։
Սեռական ակտիվության առավելագույն նվազում եղել է այն կանանց մոտ, ովքեր հետազոտության ողջ ընթացքում չեն փոխել իրենց զուգընկերոջը։ Եվ հակառակը, այն կանայք, ովքեր կյանքում գոնե մեկ անգամ փոխել են իրենց զուգընկերոջը, սեռական կյանքում ակտիվության նվազում գրեթե չի նկատվել։
Գիտնականները նաև ուսումնասիրել են կանանց գրգռման աստիճանը, սեռական բավարարվածության հասնելու հաճախականությունը, սեռական ակտի ժամանակ ցավի աստիճանը։ Արդյունքում գիտնականները եկել են այն եզրահանգման, որ երկարատև ու կայուն հարաբերությունների ժամանակ կանանց սեռական ցանկությունն ու ակտիվությունը զգալիորեն նվազում է, այն ժամանակ, երբ իրավիճակի կամ զուգընկերոջ փոփոխությունը զգալիորեն մեծացնում է բավարարվածության հասնելու հավանականությունը։
