Ինչպես ազատվել ավելորդ քաշից և պահպանել սլացիկ կազմվածքը 40 տարեկանից հետո

40 տարեկանից հետո օրգանիզմի նյութափոխանակությունը դանդաղում է, իսկ մկանային զանգվածը՝ նվազում: Կանանց օրգանիզմին շատ ավելի քիչ էներգիա է հարկավոր լինում շնչառության, արյան շրջանառության և բջիջների ստեղծման համար: Կերած սնունդն ավելի դանդաղ է այրվում և կուտակվում է ճարպաշերտերի տեսքով: Այս դեպքում միայն առողջ սնունդն ու ֆիզիկական ակտիվությունը կօգնեն պահպանել սլացիկ կազմվածքը:

Օրինակ՝ 50-ամյա կնոջ օրգանիզմը կենսագործունեությունն ապահովելու համար 30%-ով ավելի քիչ էներգիա է վատնում, քան 20-ամյա կնոջ օրգանիզմը: Այդ տարիքում կանանց կազմվածքը պահպանվում է միայն ֆերմենտների (էնզիմներ) շնորհիվ: Օրինակ՝ արքայախնձորը պարունակում է հսկայական քանակությամբ էնզիմներ և վիտամին C, ուստի հարկավոր է ներառել այն սննդակարգում: Նաև էնզիներով հարուստ մթերք է պապայան:

Կազմվածքը պահպանելու համար խորհուրդ է տրվում օրական 2 կգ այս պտուղներից ուտել՝ բաժանելով այն 4 մասի՝ նախաճաշ, ճաշ, հետճաշիկ և ընթրիք: Օրվա ընթացքում չի կարելի որևէ այլ բան ուտել:

Սակայն շատերի համար նման խիստ դիետային հետևելը կարող է շատ դժվար լինել, ուստի ցանկության դեպքում կարելի է սնվել նաև հետևյալ սննդակարգով.

·        Նախաճաշին՝ մի շերտ արքայախնձոր և 100 գրամ անյուղ յոգուրտ:

·        Ճաշին՝ ½ արքայախնձոր և 100 գրամ խաշած թռչնամիս, անյուղ միս, ծովախեցգետին կամ ձուկ:

·        Ընթրիքին՝ մի շերտ արքայախնձոր, մի կտոր տարեկանի հաց անյուղ պանրով:

Այս դիետան կօգնի ընդամենը երկու օրում ազատվել 2 կգ ավելորդ քաշից: Բացի այդ, հարկ է հիշել, որ 40 տարեկանից հետո գեղեցիկ կազմվածքը պահպանելու ամենակարևոր նախապայմաններից մեկը ֆիզիկական ակտիվությունն է:

Նյութի աղբյուրը` med.tert.am