Հայաստանում կանխատեսել են, թե երբ կավարտվի Փաշինյանի իշխանությունը
ՔԱՂԱՔԱԿԱՆՈՒԹՅՈՒՆ
Մոսկվայի և Երևանի միջև հարաբերություններում ճգնաժամը կավարտվի 2026 թվականին, երբ Հայաստանի վարչապետ Նիկոլ Փաշինյանը կկորցնի իշխանությունը խորհրդարանական ընտրություններից հետո։ Նման կարծիքով է news.ru-ի հետ զրույցում կիսվել «Մայր Հայաստան» շարժման առաջնորդ Անդրանիկ Թևանյանը։ Նրա խոսքով կառավարության ղեկավարի վարկանիշները պատմականորեն ամենացածր մակարդակի վրա են։
«Ռուս-հայական համագործակցությունը պաշտպանության ոլորտում մարում է։ Երևանի կողմից ռուսական զենք գնելուց հրաժարվելը դրա ախտանիշներից մեկն է։ Բայց ես հույս ունեմ, որ այս քաղաքականությունը կավարտվի 2026 թվականին։ Փաշինյանի վարկանիշը պատմականորեն ամենացածր մակարդակի վրա է։ Բոլորն են հասկանում, որ նրա իշխանությունն ավարտվել է։ Այսպիսով, պետք է հուսալ, որ Ռուսաստանի հետ հարաբերությունների արագ վերականգնման և աշխատանքներ կկատարվեն դրա համար», - ասել է Թևանյանը։
Նրա կարծիքով, Հայաստանը սկսել է ակտիվորեն զենք գնել այլ երկրներից, այլ ոչ թե Ռուսաստանից, քանի որ դա Փաշինյանի միտումնավոր քաղաքականությունն է խզել կապերը Մոսկվայի հետ։ Երևանի այդ գիծը թելադրվում է արևմտյան երկրների, հիմնականում Միացյալ Նահանգների կողմից։
Ավելի վաղ ՀՀ վարչապետ Նիկոլ Փաշինյանը հայտարարել էր, որ Երևանը ծրագրում է ամրապնդել համագործակցությունը Մոսկվայի հետ։ Կառավարության ղեկավարն ընդգծել էր, որ իր երկիրը մտադիր չէ Արևմուտքի հետ կապեր կառուցել Ռուսաստանի Դաշնության հաշվին։
Նյութը հրապարակման պատրաստեց Կամո Խաչիկյանը
