Չինաստանում Իվանկա Թրամփի գործարանում իրավապաշտպաններ են կորել

Նյու Յորքում գործող China Labor Watch  իրավապաշտպան կազմակերպության երկու աշխատակից, ովքեր փորձել են Չինաստանում գործող գործարանի աշխատանքային պայմաններին ծանոթանալ, անհայտ կորել են: Այդ գործարանը կոշիկներ է արտադրում ԱՄՆ նախագահի  դստեր՝ Իվանկա Թրամփի  ֆիրմայի համար:

Գազետա.ռու կայքը, հղում անելով Bloomberg-ին, գրում է, որ ակտիվիստներից մեկի կինը հայտարարել է իր ամուսնուն ձերբակալելու մասին:

China Labor Watch-ի տնօրենը հստակեցրել է, որ երեք ակտիվիստ Ցզյանսկի նահանգի հարավ-արևելքում գործող Huajian Group գործարանում աշխատել են քողարկված: Անցած հանգստյան օրերին նրանք արդեն կապի մեջ չեն եղել: Ձերբակալված Հուա Հայիֆենի կինն ասել է, որ մայիսի 30-ին զանգահարել են ոստիկանությունից և ասել, որ ամուսինը մեղադրվում է ապօրինի հետապնդման մեջ:  Բացի այդ, ոստիկանությունն արգելել է այցելել նրան, խոսել նրա հետ կամ գումար հանձնել նրան:

Իրավապաշտպան կազմակերպության տնօրենը նաև հավելել է, որ կազմակերպությունը նախատեսում էր հունիսին հրապարակել զեկույց, որում պետք է բացահայտվեր ցածր աշխատավարձի, չափից շատ արտաժամյա աշխատանքի, ինչպես նաև Իվանա Թրամփի գործարանում ուսանող-պրակտիկանտների աշխատանքի հնարավոր չարաշահման մասին:

Գործարանի մամուլի ծառայությունից հրաժարվել են մեկնաբանել Bloomberg-ին ստեղծված իրավիճակը: Չինաստանի ոստիկանությունը հրաժարվել է ընդունել China Labor Watch –ի տնօրենի՝  երեք ակտիվիստի կորելու մասին դիմումը: