Սին գնահատել է Չինաստանի և ԵՄ-ի միջև հարաբերությունները

Չինաստանը և Եվրամիությունը (ԵՄ) պետք է դիմադրեն միակողմանի ահաբեկմանը և համատեղ խթանեն բազմաբևեռ աշխարհի կառուցումը, այս մասին հայտարարել է Չինաստանի Ժողովրդական Հանրապետության (ՉԺՀ) նախագահ Սի Ծինպինը, գրել են ԶԼՄ-ները։

«Չինաստանը և ԵՄ-ն պետք է պաշտպանեն բազմակողմանիությունը, արդարադատությունը, դիմադրեն միակողմանի ահաբեկմանը և միասին աշխատեն գլոբալ խնդիրները լուծելու համար», - ասել է նա։

Չինաստանի առաջնորդը Պեկինի և Բրյուսելի միջև կապերը անվանել է աշխարհում ամենաազդեցիկներից մեկը։

Ապրիլի 2-ին ԱՄՆ նախագահ Դոնալդ Թրամփը 185 երկրների համար ներմուծման մաքսատուրքերի նոր համակարգ է մտցրել։ Բազային դրույքաչափը բոլոր ներմուծվող ապրանքների համար կազմում էր 10%, իսկ առանձին երկրների համար այն զգալիորեն ավելի բարձր էր՝ Չինաստանի համար՝ 34%, Վիետնամի համար՝ 46% և Եվրամիության համար՝ 20%։ Ի պատասխան՝ Չինաստանը 34% մաքսատուրք է սահմանել ամերիկյան ապրանքների վրա։ 

Ապրիլի 9-ին Իսպանիայի վարչապետ Պեդրո Սանչեսը կոչ է արել Եվրամիությանը վերանայել Չինաստանի հետ իր հարաբերությունները՝ Թրամփի կողմից առևտրային մաքսատուրքերի սահմանումից հետո։