Առողջ և փարթամ մազեր ունենալու արդյունավետ միջոց
ՖՈՏՈ
Եթե ուզում եք առողջ և փարթամ մազեր ունենալ, իսկ խանութից գնված տարբեր քսուքները ոչ մի ազդեցություն չեն թողնում, ճիշտ ժամանակն է դիմել ավանդական մեթոդին և սեփական ձեռքերով պատրաստել բնական միջոց, որը կնպաստի մազերի աճին:
Հարկավոր է
2 ճաշի գդալ մանանեխի փոշի
2 ճաշի գդալ տաք ջուր
1 ձվի դեղնուց
2 ճաշի գդալ ձիթապտղի յուղ
2 թեյի գդալ շաքարավազ
Նշված բաղադրիչները լավ խառնել, մինչև միասեռ զանգված ստացվի: Մազերը բաժանել մասերի, աշխատել այնպես անել, որ քսուքը տարածվի մազարմատների և գլխի մաշկի վրա: Դնել պոլիէթիլենից գլխարկ, ապա գլուխը փաթաթել սրբիչով կամ տաք շարֆով:
Այս քսուքը գլխին պահել հարկավոր է 15 րոպեից մինչև 1 ժամ: Առաջին անգամվա համար 15 րոպեն բավարար է, քանի որ մանանեխն այրելու հատկություն ունի, և ժամանակ է հարկավոր, որպեսզի գլխի մաշկն ընդունի այս բաղադրիչը:
Քսուքը 2-րդ, 3-րդ անգամ կիրառելիս արդեն կարելի է ավելի երկար թողնել:
Այս միջոցից հարկավոր է օգտվել շաբաթական մեկ անգամ:
