Հետազոտողներն Արարատ լեռան մոտ համաշխարհային ջրհեղեղի ապացույցներ են գտել
ՔԱՂԱՔԱԿԱՆՈՒԹՅՈՒՆ
«Արարատ լեռան և Նոյան տապանի» միջազգային հետազոտական թիմը հայտնաբերել է ապացույցներ, որ ժամանակակից Թուրքիայի տարածքը, որը, ըստ լեգենդի, Նոյան տապանի վերջնական հանգրվանն է եղել, իրականում վերապրել է Մեծ ջրհեղեղը: Այդ տեղեկությունը հրապարակվել է Ancient Origins արտասահմանյան հրատարակությունում, գրում է tsargrad.tv–ն։
Հոդվածում նշվում է, որ «գիտնականները հավաքել են ապարների և հողի մոտ 30 նմուշ Դուրուպինար ձևավորման տարածքում»։
Այդ 538 ոտնաչափ (164 մետր) բարձրությամբ, տապանաձև երկրաբանական կառույցը գտնվում է Արարատ լեռան գագաթից մոտավորապես 19 մղոն (30 կիլոմետր) հարավ, Թուրքիայի և Իրանի սահմանին գտնվող Աղրի քաղաքի արվարձանում՝ Դողուբայազիտ թաղամասում:
Նմուշները հետազոտվել են Ստամբուլի տեխնիկական համալսարանում, որտեղ դրանցում հայտնաբերվել են կավե նման նյութերի, ինչպես նաև ծովային նստվածքների և ծովային օրգանիզմների մնացորդներ, նշվում է հրապարակման մեջ։
Ancient Origins-ը նշում է. «Չորային տարածաշրջանի համար այդ անոմալ նյութերը թվագրվում են մ.թ.ա. 1500-ից 3000 թվականներով, ինչը համահունչ է քալկոլիթի ժամանակագրությանը, որը ենթադրվում է, որ դա կապված է Ծննդոց ջրհեղեղի հետ»: Նշենք, որ Թուրքիայում Նոյան տապանի մնացորդների հնարավոր հայտնագործությունների մասին հիշատակումները հայտնվել են երկու տարի առաջ։
Նյութը հրապարակման պատրաստեց Կամո Խաչիկյանը
