Ռուս դիվանագետն արևի տակ Երևանի տեղի մասին. «Հայաստանը դեռ ԵԱՏՄ-ում է»
ՔԱՂԱՔԱԿԱՆՈՒԹՅՈՒՆ
ՌԴ ԱԳՆ ղեկավարի տեղակալ Միխայիլ Գալուզինը պատասխանել է «Իզվեստիա»-ի հարցերին Հայաստանի հետ Ռուսաստանի հարաբերություններին Եվրամիությանն անդամակցելու գործընթաց սկսելու մասին Ազգային ժողովի ընդունած օրենքի հետ կապված, գրում է eadaily.com–ը։ Այդ համատեքստում լրագրողներն ուղղակիորեն են հարցրել, թե արդյո՞ք հնարավոր է Երևանին բացառել ԵԱՏՄ փոխգործակցության որևէ ձևից։ Դիվանագետի խոսքով, խոսքն այն մասին չէ, որ Ռուսաստանը կամ որևէ մեկը ցանկանում է բացառել Հայաստանին կամ վնաս պատճառել բարձր զարգացած տնտեսական համագործակցությանը, չկան Հայաստանի շահերը ոտնահարելու ծրագրեր և չեն էլ կարող լինել: «Նա մեր դաշնակիցն է, ռազմավարական գործընկերը, ում հետ մեզ կապում է, ինչպես Վրաստանի հետ, բազմադարյա ընդհանուր պատմությունը, ընդհանուր հաղթանակը Հայրենական մեծ պատերազմում։ Փաստն այն է, որ օբյեկտիվորեն միաժամանակ անհնար է անդամակցել ԵՄ-ին և ԵԱՏՄ-ին, քանի որ այդ միություններն ունեն տարբեր մաքսային և սակագնային կարգավորումներ, դրանք ըստ էության տարբեր տնտեսական բլոկներ են։ Ըստ այդմ, մեր հայ գործընկերները հավանաբար ինչ-որ պահի պետք է որոշեն, թե որ ուղղությամբ են գնում»,– ասել է նա։
Իր հերթին, «Ընկեր գեներալ» Telegram ալիքի հեղինակն է խոսել հայկական դիվանագիտության «տարօրինակությունների» մասին. «ՀՀ Սյունիքի մարզի Կապանում ՌԴ հյուպատոսության բացումը Մոսկվայի և Երևանի հարաբերությունների մակարդակի մասին պատմող մի տեսակ ծուռ ու շեղ լռություն է դարձել։ Դրա սկզբնավորման բոլոր ժամկետները վաղուց անցել են, բայց «նախաճաշներով» կերակրումը շարունակվում է։
ՌԴ ԱԳՆ խոսնակ Մարիա Զախարովան հայտնել է, որ մինչև 2025 թվականի մայիսը հայտնի կդառնան ՌԴ գլխավոր հյուպատոսության բացման կոնկրետ ժամկետները, ինչը, իհարկե, «էական խթան կհանդիսանա այս տարածքի և Ռուսաստանի շրջանների միջև առևտրային և ներդրումային համագործակցության խորացման և կապերի հաստատման համար»։ Զախարովան հավելել է, որ այդ հարցն արտգործնախարարությունների ղեկավարների կողմից քննարկվել է հունվարին և մարտին։ Դե, եթե դա այդպես է, ապա հաջորդ քննարկման համար մայիսն է տրամաբանականը: Սխեման այսպիսին է՝ մեկ ամիս քննարկում են, հետո մեկ ամիս ոչ։
Վատ խաղի դեպքում լավ ական դնելու ռուսական կողմի այս ցանկությունը ժպիտ է առաջացնում: Փաշինյանը մեկուկես տարի քթից բռնած քարշ է տալիս ու թույլ չի տալիս բացել ՌԴ հյուպատոսությունը, չնայած դաշնակից երկու կողմերն էլ խուսափում են պաշտոնապես նշել հետաձգման պատճառը։
Զարմանալի չի լինի, եթե մայիսին Ռուսաստանը կրկին լռի այս ծիծաղելի թեմայի շուրջ, լռի այն մասին, թե ինչո՞ւ Հայաստանը կրկին միացրեց «արագացումը» և ինչո՞ւ Մոսկվան սիմետրիկորեն հակահարված չի տալիս։
Նյութը հրապարակման պատրաստեց Կամո Խաչիկյանը
