Մատանի կրելու էթիկետը․ ինչպես համադրել մատանիները
ՖՈՏՈ
Մատանիները համարվում են զարդերի ամենահին տեսակներից։ Մատանի կրելու էթիկետ գոյություն ունի, որը դեռ հնուց է գալիս։
Այսօր մատանիները թե կանանց, թե տղամարդկանց սիրելի զարդերից են, եւ մատանի կրելու էթիկետն իմանալը պարզապես պարտադիր է։
Ահա հիմնական կանոնները՝
Մեկ ձեռքի վրա մեկից ավելի մատանի մի կրեք։
Եթե երկու ձեռքին էլ մատանի եք կրում, դրանք պետք է իրար նման լինեն, նույնաոճ։
Միասին տարբեր մետաղներից մատանիներ մի կրեք։
Միեւնույն ժամանակ էժանագին ու թանկարժեք մատանիներ մի կրեք՝ կամ երկու ձեռքին էլ թող էժանագին բիժուտերիա լինի կամ թանկարժեք մատանիներ։
Ադամանդները կամ չափազանց թանկարժեք քարերը ցերեկով մի գրեք, դրանք գեղեցիկ են երեկոյան՝ ինչ-որ առիթի ժամանակ։
Էժանագին բիժուտերիա կարող են իրենց թույլ տալ մինչեւ 20 տարեկան աղջիկները, դրանից հետո որակյալ մետաղից մատանիներ ընտրեք։
Առօրյայում՝հատկապես սպորտային հագուստ կրելիս, խոշոր քարերով մատանիներից հրաժարվեք, ավելի փոքր մատանիներ կրեք։
Աշխատավայրում ամուսնական մատանուց բացի մատանիներ մի կրեք։
Եթե մատանի եք կրում, անպայման հետեւեք եղունգների խնամքին, եթե եղունգները ներկած չեն, ոչ մատանի կրեք, ոչ թեւնոց։
