Մի շտապեք դեն նետել թեյի օգտագործված պարկիկները. ահա թե ինչու

Մի շտապեք դեն նետել թեյի օգտագործած պարկիկը։ Այն պետք կգա բազմաթիվ հարցերում։ Հանգստացնում է արեւային այրոցը։ Սեւ թեյում առկա նյութերը հանգստացնող հատկություն ունեն։ Դրեք սառը պարկիկը մարմնի այն հատվածին, որն այրվել է, եւ ցավը կմեղմանա, եւ այրվածքն էլ հեշտ կբուժվի։

Ընդհանրապես, թեյի պարկիկը կարող եք թեթեւ այրվածքի դեպքում էլ օգտագործել։ Աչքերի հոգնածությունն է անցկացնում։ Թեյի մեջ առկա նյութերը հանգստացնում են աչքերն ու անցկացնում ուռածությունը։

Առավոտյան արթնանալուց հետո դրեք հին պարկիկներն աչքերին եւ թողեք մի 10 րոպե։ Գորտնուկներն է չորացնում։ Դրանք դրեք գորտնուկների վրա եւ կապեք կտորով։ 15 րոպե հետո փոխեք պարկիկն ու կրկին 15 րոպե թողեք։

Անցկացրեք կոշիկների հոտը։ Եթե կոշիկից վատ հոտ է գալիս, չոր պարկիկը դրեք, թողեք մնա ողջ գիշերը։ Ձեռքերի հոտն անցկացրեք։

Երբ սոխ կամ սխտոր եք կտրատում, ձեռքերից սկսում է հոտ գալ։ Այդ դեպքում լվացեք ձեռքերը թեյի պարկիկներով։