Փաշինյանն ինֆորմացիոն պատերազմ է հայտարարել հայ ժողովրդին

Հայաստանի առջև ծառացած մարտահրավերների, անվտանգային լուրջ ռիսկերի պայմաններում ՀՀ գործող իշխանությունների, ավելի ճիշտ, Նիկոլ Փաշինյանի ու Աննա Հակոբյանի պահվածքը վկայում է՝ Հայաստանի և ՀՀ քաղաքացիների դեմ ինֆորմացիոն պատերազմ են հայտարարել։

Առնվազն անհեթեթ կլինի կարծել, թե փոդքասթներով, ամեն տեսակի գրառումներով, տեսանյութերով, ձվածեղ պատրաստելով ու, Փաշինյանի խոսքով, «ապաշնորհ» լափելով զբաղված այդ զույգը չի գիտակցում, թե ինչ է անում։ Իրականում Փաշինյանները հրաշալի հասկանում են իրենց արարքների ողջ հրեշավորությունը, դրանց վտանգավոր հետևանքները հանրային հոգեկան վիճակի վրա. հարձակումներն ազգային ու հոգևոր արժեքների դեմ, հին ավանդույթների ծաղրը գնալով ավելի ու ավելի նողկալի տեսք են ստանում։ Իսկ այդ զույգի նպատակը բացառապես մեկն է՝ իրենցով լրացնել քաղաքական օրակարգը, թույլ չտալ ողջամիտ մտքի շրջանառումը։ Նույնիսկ «կրթվելը նորաձև է» արշավը, որն առաջին հայացքից կիսագրագետների հավաքի է նմանվում, նպատակ ունի արգելափակել իրական կրթական նախաձեռնությունների տարածումը։

Դրսի՞ց է հրահանգված այս արշավը, թե՞ փաշինյաններն ամեն ինչ անում են՝ իրենց իշխանությունը երկարաձգելու համար, բարդ է ասել։ Ամեն դեպքում, որքան երկարաձգվում է նրանց պաշտոնավարումը, այնքան հետևանքներն ավելի աղետալի են լինելու Հայաստանի համար։

Սեդա Հարությունյան