Վերլուծաբանը պարզաբանել է Փաշինյանի Մոսկվա անսպասելի այցի հնարավոր պատճառը
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը մեկնել է Մոսկվա։ Այդ այցը հարցեր է առաջացնում հատկապես Ռուսաստանի և ՀԱՊԿ-ի վերաբերյալ նրա կոշտ հայտարարությունների լույսի ներքո։ Ավելի վաղ Փաշինյանը հայտարարել էր, որ Հայաստանն այլևս ՀԱՊԿ-ի մաս չէ հավելելով, որ այդ կազմակերպություն վերադառնալն անհնար է, գրում է runews24.ru-ն։
Փորձագետները նման գործողությունները կապում են Եվրոպական Միության հետ համագործակցության ուղղությամբ Երևանի հետևողական վերակողմնորոշման հետ։ Մասնավորապես, «Հռոմի ստատուտի» ընդունումը, որը ենթադրում է որոշակի անձանց ձերբակալելու պարտավորություն, այդ թվում Ռուսաստանի նախագահ Վլադիմիր Պուտինին, դարձել է երկու երկրների հարաբերությունների ևս մեկ մարտահրավեր, ասել է դիտորդ Վալենտին Ֆիլիպովը։
Բացի այդ, փորձագետները նշում են, որ վերջին ամիսներին Փաշինյանը պաշտոնական դիմումներ չի ուղարկել ՀԱՊԿ-ի օգնությունը ստանալու նպատակով։ Դա ստեղծել է մի այնպիսի իրավիճակ, որ կազմակերպությունը նույնիսկ ցանկության դեպքում չէր կարող միջամտել: Քաղաքական դիտորդ, ԿԺԴՀ-ի պետական անվտանգության առաջին նախարար Անդրեյ Պինչուկն ուղղակիորեն նման գործողություններն անվանել է Հայաստանի ղեկավարության «մանր խարդախ գործողությունների մի այնպիսի շարք», որոնք ուղղված են կազմակերպության նկատմամբ վստահության խաթարմանը:
Հիշեցնենք, որ ավելի վաղ Փաշինյանը Հայաստանի խորհրդային սահմաններից հրաժարվելն անվանել էր «հրաժարում պետականությունից»։
Նյութը հրապարակման պատրաստեց Կամո Խաչիկյանը
