Եռօրյա այցով Թբիլիսի Է ժամանում եվրակոմիսար Յոհաննես Հանը

Հարեւանության եվրոպական քաղաքականության եւ ԵՄ-ի ընդլայնման հարցերի եվրակոմիսար Յոհաննես Հանը մայիսի 4-ին եռօրյա այցով ժամանում Է Վրաստան:

 

Այդ մասին հայտնել Է «Նովոստի Գրուզիա» գործակալությունը՝ վկայակոչելով արտաքին գործերի նախարարության մամուլի ծառայությունը: 

 

Այցի ընթացքում եվրոկոմիսարը մայիսի 5-ին հանդիպումներ կանցկացնի Վրաստանի գործադիր եւ օրենսդիր իշխանությունների բարձրաստիճան ներկայացուցիչների, ինչպես նաեւ խորհրդարանական ընդդիմության ներկայացուցիչների հետ:

 

«Հանդիպումների ընթացքում կողմերը կքննարկեն Եվրամիության հետ Վրաստանի համագործակցության գերակա հարցերը, ինչպես նաեւ այն բարեփոխումները, որոնք Վրաստանում անցկացվում են Ասոցացման համաձայնագրի շրջանակներում: Նաեւ քննարկվելու են Վրաստանի սպասումները «Արեւելյան գործընկերության» գագաթնաժողովից, որը պլանավորված Է Բրյուսելում այս տարվա նոյեմբերին»,-ասել Է ԱԳ նախարարության ներկայացուցչուհին:  

 

Այցի ընթացքում ծրագրված Է «Տեխնիկական համագործակցության մեխանիզմ» ֆինանսական համաձայնագրի  ստորագրումը, որը 32 մլն եվրոյի չափով օգնություն Է նախատեսում Վրաստանին Ասոցացման վերաբերյալ համաձայնագրի իրականացման համար, հաղորդել Է Sputnik-ը: