Հայաստանի բռնցքամարտի թիմը 10 մեդալ է նվաճել Վրաստանում
ՍՊՈՐՏ
Բռնցքամարտի տղամարդկանց Հայաստանի երիտասարդական հավաքականը Վրաստանում մասնակցել է Իրակլի Աբաշիձեի անվան հուշամրցաշարին եւ նվաճել 7 ոսկե, 2 արծաթե և 1 բրոնզե մեդալ՝ գրավելով առաջին տեղը թիմային հաշվարկում։
Վազգեն Բադալյանի գլխավորած թիմի 11 մարզիկներից 10-ը բարձրացել են պատվո հարթակ, հաղորդում է ՀԲՖ-ի էջը։
Հաղթողներ են դարձել 48 կգ քաշային Վաղարշակ Քեյանը, 54 կգ քաշային Արթուր Ավետիքյանը, 57 կգ քաշային Էրիկ Առստամյանը, 67 կգ քաշային Ալիկ Կճոյանը, 71 կգ քաշային Մարատ Միքայելյանը, 92 կգ քաշային Դավիթ Սիմոնյանը և +92 կգ քաշային Միսակ Տեպանյանը։
Արմեն Պողոսյանն ու Նորայր Հակոբյանը դարձել են արծաթե մեդալակիր, իսկ Ալբերտ Հարությունյանը բրոնզ է նվաճել։
Վրաստանի, Ուզբեկստանի, Ղազախստանի, Ադրբեջանի, Իսրայելի, Կիպրոսի, Լեհաստանի և Սաուդյան Արաբիայի բռնցքամարտիկները։
Այս մրցումով Հայաստանի թիմը սկսել է նախապատրաստվել աշնանը կայանալիք աշխարհի առաջնությանը։
