Ռուսաստանից Նիգեր են ժամանել ռազմական հրահանգիչներ
ՄԻՋԱԶԳԱՅԻՆ
2023 թվականին Նիգերում իշխանափոխություն տեղի ունեցավ։
Մինչ այդ, երկիրը եղել է Արևմուտքի գլխավոր գործընկերներից մեկը աֆրիկյան տարածաշրջանում զինյալ իսլամիստների դեմ պայքարում։
Ռուսաստանից ժամանած ռազմական հրահանգիչները սկսել են մարզել Նիգերիայի բանակը։
Ռազմական տեխնիկայով ինքնաթիռի բեռնաթափման կադրերը ցուցադրել է Նիգերի պետական RTN հեռուստաալիքը, ուրբաթ՝ ապրիլի 12-ին, հաղորդում է Reuters-ը:
«Մենք այստեղ ենք՝ մարզելու Նիգերիայի բանակը և ընդլայնելու Ռուսաստանի և Նիգերի միջև ռազմական համագործակցությունը», - ասել է քողարկված տղամարդը RTN-ի եթերում:
Հեռուստաալիքի տվյալներով՝ Ռուսաստանը համաձայնել է նաեւ Նիգերում հակաօդային պաշտպանության համակարգ տեղադրել։
Նիգերն աշխարհի ամենաաղքատ երկրներից մեկն է։ Նիգերը արևմտյան պետությունների՝ ԱՄՆ-ի, Ֆրանսիայի և Գերմանիայի, ամենակարևոր գործընկերներից մեկն էր Արևմտյան և Կենտրոնական Աֆրիկայում:
2023 թվականի հունվարին Նիգերը Մալիի և Բուրկինա Ֆասոյի հետ միասին դուրս եկավ ECOWAS տարածաշրջանային դաշինքից՝ Արևմտյան Աֆրիկայի Պետությունների Տնտեսական Համայնքից, որի հիմնական նպատակն էր ապահովել Արևմտյան Աֆրիկայում տարածաշրջանային անվտանգությունը:
Նիգերի իշխանությունները պաշտոնապես հայտարարել են, որ դադարեցնում են ռազմական համագործակցությունը ԱՄՆ-ի և Ֆրանսիայի հետ։
Բացի այդ, նրանք հրամանագիր արձակեցին, ըստ որի՝ իրենց ռազմական ծախսերն այլեւս վերահսկման ենթակա չեն։
Փորձագետները համոզված են, որ Վաշինգտոնի հետ Նիգերի հարաբերությունների խզումն ու ռազմական ծախսերի նկատմամբ վերահսկողության վերացումը նախապայման էին Ռուսաստանի հետ ռազմական համագործակցության մասին համաձայնագրի համար։
Նյութը հրապարակման պատրաստեց Կամո Խաչիկյանը
