«Հայկական հնագույն քաղաքակրթությունը ԵՄ-ից լավն է»․ Զախարովան՝ ՀՀ իշխանություններին
ՄԻՋԱԶԳԱՅԻՆ
Հայաստանի ներկայիս իշխանությունները իզուր են համեմատում հայկական հնագույն քաղաքակրթությունը, որը երկար պատմություն ունի, Եվրամիության հետ, որի գործերն այսօր միանգամայն վատ են, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Ես այսօր տեսա Հայաստանի պաշտոնական կառույցների ներկայացուցիչներից մեկի մեջբերումը, ով ասում էր, որ Հայաստանը եվրոպական ժողովրդավարական և որոշ այլ արժեքների կրողն է», — ասել է ՌԴ ԱԳՆ խոսնակը «Զվեզդա» հեռուստաալիքի եթերում, — Գիտե՞ք ինչն է ինձ զարմացնում: Ինչո՞ւ են Երևանում գործող իշխանությունների ներկայացուցիչներն այդքան էժան սակարկում, ինչո՞ւ են հին հայկական քաղաքակրթությունը՝ մշակույթով, պատմությամբ, պետականությամբ, որը գոյություն ուներ եվրոպական ժողովրդավարությունից շատ առաջ, համեմատում, ներեցեք, ներկայիս Եվրամիության հետ, որն իսկապես փակուղում է»։
Նրա խոսքով, «Հայաստանը մշակույթ է, այն պետական կառույց է, իսկ սրանք պետականության հիմքերն են, որոնք հազարավոր տարիներ առաջ են դրվել: Դրանք հազարամյա պատմություն ունեն»։
Երևանն իր համար «կերպար է ընտրել, որի մասին Արևմուտքում այլևս ոչ ոք լրջորեն չի խոսում», նկատել է Զախարովան։
Ռուս դիվանագետն ուշադրություն է հրավիրել այն փաստի վրա, որ այժմ ԵՄ-ի դրությունը լիովին տեսանելի է՝ հաշվի առնելով քաղաքական, տնտեսական, սոցիալական և իրավական ցուցանիշները։
«Եվ հիմա հնագույն քաղաքակրթության հազարամյա պատմություն ունեցող ներկայացուցիչը, որին, կարծես, հայելու մեջ փոխանակման համար ցույց են տվել ադամանդ, ռուբին կամ զմրուխտ, վերաբերմունք է ակնկալում ճգնաժամի մեջ գտնվող համայնքից»,-ընդգծել է Զապարովան:
