ԱՄՆ-ն Չինաստանի հետ հակամարտություն չի փնտրում. Բայդեն

Ամերիկայի նախագահ Ջո Բայդենը պնդում է, որ Միացյալ Նահանգները Չինաստանի հետ հակամարտություն չի փնտրում և, ենթադրաբար, լավագույնս պատրաստ է հաղթել Չինաստանի հետ մրցակցությունը 21-րդ դարում։

«Մենք ցանկանում ենք մրցակցություն Չինաստանի հետ, ոչ թե հակամարտություն», - ասաց նա մարտի 7-ին Ներկայացուցիչների պալատում և Սենատում իր ամենամյա ելույթի ժամանակ: «Մենք լավագույն դիրքում ենք 21-րդ դարում մրցակցության մեջ հաղթելու Չինաստանին կամ ցանկացած այլ երկրի»,- կարծում է ԱՄՆ նախագահը։

«Տարիներ շարունակ ես իմ հանրապետական ​​ընկերներից և շատ ուրիշներից լսել եմ, որ Չինաստանը վերելք է ապրում, իսկ Ամերիկան ​​հետ է մնում: Նրանք այդ ամենը սխալ են հասկացել: Ամերիկան ​​վերելք է ապրում»,- ասվում է Սպիտակ տան մամուլի ծառայության կողմից հրապարակված Բայդենի ուղերձի տեքստում։

«Մենք ունենք աշխարհի լավագույն տնտեսությունը։ Այն պահից, երբ ես ստանձնեցի նախագահի պաշտոնը, մեր ՀՆԱ-ն աճել է։ Իսկ Չինաստանի հետ մեր առևտրային դեֆիցիտը այժմ ամենափոքրն է վերջին տասնամյակում: Մենք դեմ ենք Չինաստանի անարդար առևտրային գործելաոճին: Եվ մենք պաշտպանում ենք խաղաղությունն ու կայունությունը Թայվանի նեղուցում: Խաղաղօվկիանոսյան տարածաշրջանում ես ակտիվացրել եմ գործընկերություններն ու դաշինքները։ Ես համոզվեցի, որ ամերիկյան նորագույն տեխնոլոգիաները չեն կարող օգտագործվել չինական զենքի մեջ։ Անկեղծ ասած, չնայած Չինաստանի վերաբերյալ բոլոր կոշտ հայտարարություններին, իմ նախորդի մտքով չի անցել դա անել»,- , պնդում է ամերիկացի առաջնորդը։

Հիշեցնենք, որ ԱՄՆ նախորդ նախագահը հանրապետական ​​Դոնալդ Թրամփն էր։