Գանձ, երևույթ, աստվածային ձայն..... Հնչեղ բառեր Գրիշա Ասատրյանի մենահամերգից հետո
ՖՈՏՈ
Ապրիլի 11-ին կայացավ Գրիշա Ասատրյանի մենահամերգը: «Հայրենի երգ» ժողովրդական երգի ստուդիայի սան՝ 13-ամյա Գրիշան ելույթ ունեցավ Ազգային պետական նվագարանների նվագախմբի հետ, գեղարվեստական ղեկավար՝ ՀՀ վաստակավոր արտիստ Նորայր Դավթյան:
Ստուդիայի գեղարվեստական ղեկավար Մխիթար Քեթցյանը միանշանակ վստահ լինելով իր տաղանդավոր սանի ձայնային տվյալների վրա, բավականին «ծանր» երգացանկ էր ընտրել և ի պատիվ նրա Գրիշա Ասատրյանը արդարացրեց բոլորի սպասումները: Հրավիրված հայտնիները հիացմունքի, գովեստի, կատարողական արվեստին տիրապետելու մասնագիտական բարձր կարծիք հայտնեցին, հավելելով, որ ունենք գանձ, երևույթ, աստվածատուր ձայնով օժտված հրաշամանուկ, ով աշխարհին կներկայանա հայի անունն ու ժողովրդական երգը ամենապատվավոր տեղում պահելով:
Լեգենդ Արամ Ասատրյանի թոռնիկը արժանի շարունակողն է այն գենի, որը որպես թանկ պարգև նրանց է ժառանգել գուսանը: Ի դեպ մենահամերգի տեսագրությունը շուտով հասանելի կլինի համացանցում:
