ԵՄ-ն քննարկում է ռուս դիվանագետների տեղաշարժերը սահմանափակելու նոր հնարավորությունը

Եվրամիությունը քննարկում է ռուս դիվանագետների տեղաշարժերը միության տարածքում սահմանափակելու հնարավորությունը։ Այս մասին հայտնում է Politico-ն՝ հղում անելով իր աղբյուրին։ 2023 թվականին այս առաջարկն արել էր Չեխիան։

Ինչպես գրում է հրատարակությունը, միտքն այն է, որ սահմանափակվի դիվանագետների ճանապարհորդությունը հավատարմագրված երկիր: Ներկայումս նրանք կարող են ազատ տեղաշարժվել Շենգենյան տարածքում։ Սահմանափակումներն առաջարկվում է մտցնել պատժամիջոցների 13-րդ փաթեթի շրջանակներում, որը պատրաստ կլինի փետրվարի 24-ին, երբ լրանում է Ուկրաինայի տարածքում ռազմական գործողությունների մեկնարկի երկրորդ տարին:

Politico-ի զրուցակիցը խոսել է այս սահմանափակման համալիր իրականացման մասին։ ԵՄ երկրների միջև սահմաններ կամ անցակետեր չկան, և Շենգենյան գոտում ճանապարհորդությունների մեծ մասը անվերահսկելի է: Հրատարակությունը նշում է, որ Չեխիայի ԱԳՆ-ն առաջարկել է դիվանագետների համար ներդնել կենսաչափական անձնագրեր։