ԵՄ-ում հայտնել են, որ Լեհաստանը կատարել է միության կառուցվածքային ֆոնդերի հասանելիությանն անհրաժեշտ պայմանները

Լեհաստանը կատարել է այն փաստաթղթերի հանձնման պայմանները, որոնք վճռական նշանակություն ունեն ԵՄ կառուցվածքային ֆոնդերի հասանելիություն ունենալու համար, իսկ դա նշանակում է, որ դրանք կարող են հրապարակվել մի քանի ամիս հետո, TVN24 հեռուստաալիքին տեղեկացրել է  ֆոնդերի եւ տարածաշրջանային քաղաքականության նախարար Կատարժինա Պելչինսկա-Նալեչը։

«Այդ փաստաթղթերը կմշակվեն, որից հետո համաձայնություն կտրվի ֆինանսավորման հայտ ներկայացնելուն»,- ավելացրել է նա։

Նա նաեւ ասել է, որ փաստաթղթերն արդեն ուղարկվել են, քանի որ դրանք նախապես պատրաստված էին։

ԵՄ-ն Լեհաստանին հատկացված միլիարդավոր միջոցներ էր պահում դատական բարեփոխումների հետ կապված մտավախությունների պատճառով, որոնք իրականացնում էր «Իրավունք եւ արդարություն» կուսակցության (PiS) նախկին կառավարությունը, եւ որոնք խափանում էին դատարանների անկախությունը։

Նոր եվրոպամետ կառավարությունը խոստացել է վերականգնել օրենքի գերակայությունը եւ հասնել ԵՄ միջոցների հատկացմանը, բայց բախվել է նախկին կառավարող կուսակցության կողմնակիցների եւ դաշնակիցների դիմադրությանը, ներառյալ նախագահ Անջեյ Դուդան եւ որոշ բարձրաստիճան դատավորներ։

Եվրահանձնաժողովը հայտնել է, որ Լեհաստանը պաշտոնապես տեղեկացրել է իրեն, որ, իր կարծիքով, կատարել է օրենքի գերակայության պայմանները, որոնք անհրաժեշտ են փող ստանալու համար, բայց դա դեռ չի գնահատվում։

Ավելի վաղ Լեհաստանի կառավարությունում տեղեկացրել էին այն մասին, որ երկիրը կատարել է վերջնական պայմանները, որոնք անհրաժեշտ էին Եվրամիության բյուջեից 2021-2027թթ. 76 մլրդ եվրոյի հասանելիությունն ստանալու համար։