Նոր որոշում. Ֆինլանդիայի և Ռուսաստանի միջև սահմանները փակ կմնան մինչև փետրվարի 11-ը
ՄԻՋԱԶԳԱՅԻՆ
Ֆինլանդիայի և Ռուսաստանի միջև սահմանները փակ կմնան մինչև 2024 թվականի փետրվարի 11-ը։ Համապատասխան որոշումն ընդունվել է Ֆինլանդիայի կառավարության նիստում, հայտնում է այս երկրի նախարարների կաբինետը։
2023 թվականի դեկտեմբերի 14-ին կառավարությունը որոշեց մեկ ամսով ժամանակավորապես փակել Ֆինլանդիայի արևելյան սահմանի անցակետը։ Սա պետք է կասեցնի միգրացիան։
«Շատ հավանական է, որ ռուսական հիբրիդային գործունեությունը կվերսկսվի և կընդլայնվի, ինչպես տեսել ենք նախկինում: Ուստի մենք անհրաժեշտ ենք համարում փակ պահել արեւելյան սահմանը»,- ասել է Ֆինլանդիայի ներքին գործերի նախարար Մարի Ռանտանենը։
Վտանգը, որ միգրացիան կվերսկսվի արևելյան սահմանին, լուրջ վտանգ է ներկայացնում Ֆինլանդիայի ազգային անվտանգության և հասարակական կարգի համար։
Որոշումը կչեղարկվի կամ կփոփոխվի, եթե այլևս այն անհրաժեշտ չլինի ազգային անվտանգությանը կամ հասարակական կարգին սպառնացող լուրջ վտանգ կանխելու համար։ Ներքին գործերի նախարարությունը նաև այլընտրանքային ուղիներ է ուսումնասիրում այս երևույթին վերջ դնելու համար:
