Հարավային Աֆրիկան կոչ է անում ՄԱԿ-ի դատարանին հարկադրել Իսրայելին՝ դադարեցնել իր գործողությունները Գազայի հատվածում

ՄԱԿ-ի դատարանը պետք է հրամայի Իսրայելին անհապաղ դադարեցնել իր գործողությունները Գազայի հատվածում։ Այս մասին հայտարարել է փաստաբան Քեյսի Լոուն, որը ներկայացնում է Հարավային Աֆրիկան ​​Արդարադատության միջազգային դատարանում լսումների ժամանակ։

«Պաղեստինցիներին մահ է սպառնում շարունակական ռմբակոծությունների և հրետակոծությունների, սովի և հիվանդությունների պատճառով»,- ասել է նա: Վերջին օրերին, հավելել է փաստաբանը, բազմաթիվ երկրների ու միջազգային կազմակերպությունների, այդ թվում՝ ՄԱԿ-ի ներկայացուցիչներ հայտարարել են ռազմական գործողությունը դադարեցնելու անհրաժեշտության մասին։ «Եվ դա է պատճառը, որ Հարավային Աֆրիկան ​​ՄԱԿ-ի դատարանին խնդրել է պարտավորեցնել Իսրայելին դադարեցնել իր ռազմական գործողությունը Գազայի հատվածում», - ընդգծել է Լոուն: «Սա մարդասիրական արձագանք ապահովելու և հետագա մահից ու ավերածություններից խուսափելու միակ միջոցն է»: