ՀԱՄԱՍ-ի հարձակումները վակուումում չեն տեղի ունեցել. Պաղեստինի ժողովուրդը 56 տարի խեղդող օկուպացիայի տակ է. Գուտերեշ

ՄԱԿ-ի գլխավոր քարտուղար Անտոնիո Գուտերեշը ՄԱԿ-ի Անվտանգության խորհրդի նիստում իր ելույթի ժամանակ ասել է, որ պաղեստինյան ՀԱՄԱՍ խմբավորման հարձակումները տեղի չեն ունեցել «վակուումում», և պաղեստինցի ժողովուրդը 56 տարի շարունակ ենթարկվել է «խեղդող» օկուպացիայի ։

«Կարևոր է նաև գիտակցել, որ ՀԱՄԱՍ-ի հարձակումները վակուումում տեղի չեն ունեցել: Պաղեստինի ժողովուրդը 56 տարի ենթարկվել է խեղդող օկուպացիայի։ Նրա հողը մշտապես  է դատարկվում է բնակեցումներից ու բռնություններից, տնտեսությունը շնչահեղձ է լինում, մարդիկ տեղահանված են, իսկ տները՝ ավերված։ Նրանց հույսերը՝ կապված իրենց ծանր վիճակի քաղաքական լուծման հետ, մարում են»,- ասել է Գուտերեշը:

Նա հավելել է, որ «պաղեստինյան ժողովրդի դժգոհությունները չեն կարող արդարացնել ՀԱՄԱՍ-ի սարսափելի հարձակումները։ Եվ այս սարսափելի հարձակումները չեն կարող արդարացնել Պաղեստինի ժողովրդի հավաքական պատիժը»:

Գուտերեշի հայտարարությունները զայրույթ են առաջացրել Իսրայելում, և ՄԱԿ-ում Իսրայելի մշտական ​​ներկայացուցիչ Գիլադ Էրդանը սուր քննադատության է ենթարկել ՄԱԿ-ի գլխավոր քարտուղարի հայտարարությունները՝ դրանք անվանելով «ցնցող», «սարսափելի» և «բացարձակապես բաժանված մեր տարածաշրջանի իրական իրավիճակից», հայտնում է Times of Israel-ը։

«Նրա մեկնաբանություններն ահաբեկչության և սպանության արդարացում են: Ցավալի է, որ նման հայացքներ ունեցող մարդը ղեկավարում է մի կազմակերպություն, որը ծագել է Հոլոքոստից հետո»,- ասել է Էրդանը։