ԵՄ-ն կոչ է անում «անարգել հումանիտար հասանելիություն» դեպի Գազա

ԵՄ խոսնակ Բալազ Ուջվարին ողջունել է այն տեղեկությունները, որ Եգիպտոսը համաձայնել է թույատրել մարդասիրական օգնության մուտքը Գազայի հատված, սակայն ասել է, որ անկլավ մուտք գործող ապրանքների քանակի ցանկացած սահմանափակում չի համապատասխանում միջազգային մարդասիրական իրավունքին, հաղորդում է CNN-ը։

Ույվարին ասել է, որ դաշինքը «ողջունում է Եգիպտոսի հայտարարությունը, որ ծայրահեղ անհրաժեշտ մարդասիրական օգնությունը կարող է սկսել հասնել Գազայի հատված», և կրկնել է, որ «միջազգային մարդասիրական իրավունքը պարտավորեցնում է բոլոր կողմերին ապահովել մարդասիրական անվտանգ և անխոչընդոտ հասանելիություն կարիքավորներին»:

«Ապրանքների քանակի, նշանակության և կատեգորիաների սահմանափակումները չեն համապատասխանում այս պարտավորությանը», - ասել է Ուջվարին:

Նա հաստատել է, որ ԵՄ-ից երկրորդ մարդասիրական չվերթը վայրէջք կկատարի Եգիպտոսում հինգշաբթի կեսօրին, այն բանից հետո, երբ առաջին օգնության չվերթը ժամանել է երկուշաբթի:

«Եթե գումարենք երկուշաբթի օրը ժամանած և այսօր մեկնած չվերթի բեռը, ապա խոսքը 54 տոննա անհրաժեշտ մարդասիրական բեռի մասին է։ Սա ներառում է հիգիենայի պարագաներ, սանիտարահիգիենիկ նյութեր, ինչպես նաև սնունդ, ջուր և կացարաններ», - ասել է Ուջվարին:

Նրա խոսքով՝ ԵՄ-ն ողջունում է «Իսրայելի հայտարարությունն այն մասին, որ իրենք չեն խանգարի Եգիպտոսից սննդի, ջրի եւ դեղորայքի մատակարարմանը»։

Չորեքշաբթի օրը ԱՄՆ նախագահ Ջո Բայդենը հայտարարել է, որ իր եգիպտացի գործընկեր Աբդել Ֆաթահ ալ-Սիսին համաձայնել է բացել Ռաֆահ անցումը՝ դեպի Գազա մարդասիրական օգնության համար, և մարդասիրական օգնություն տեղափոխող մինչև 20 բեռնատարներ կթույլատրվեն մտնել Գազա: