Ռիո դե Ժանեյրոյում ոստիկանները յուրաքանչյուր առգրավված հրացանի համար հազար դոլար կստանան

Բրազիլիայի Ռիո դե Ժանեյրո նահանգի կառավարությունը կվճարի ավելի քան հազար դոլար յուրաքանչյուր ոստիկանի, ով կազմակերպված հանցավորության դեմ գործողությունների ընթացքում ինքնաձիգ կառգրավի, հետևում է հրապարակված վճռից։

Ինչպես նշվում է բրազիլական պետության պաշտոնական տեղեկագրում հրապարակված որոշման մեջ, 5000 ռեալ կամ 1004 դոլար կվճարվի ոստիկանին, «ով իր գործառույթների կատարման ժամանակ կամ դրանց հետ կապված  կառգրավի երկարափող հրազեն՝ չգրանցված և/կամ կրելու օրինական թույլտվության բացակայության դեպքում»:

Իշխանությունները պարզաբանել են, որ պարգևը նախատեսված է բացառապես աշխատող զենքի համար՝ յուրաքանչյուր առգրավված հրացան կստուգվի։ Մրցանակները կվճարվեն շրջանային անվտանգության նախարարության բյուջեից։

Այս տարվա առաջին կիսամյակում Ռիո դե Ժանեյրոյի իշխանությունները, ըստ պաշտոնական տվյալների, առգրավել են 266 երկար ատրճանակ: Տարվա ընթացքում այս ցուցանիշն աճել է 64%-ով։