Էրդողանը մեկնաբանել է ՄԱԿ-ի խաղաղապահների գործողությունները Կիպրոսի բուֆերային գոտում

Թուրքիայի նախագահ Ռեջեփ Թայիփ Էրդողանն անընդունելի է համարել ՄԱԿ-ի խաղաղապահ ուժերի ներկայացուցիչների գործողությունները Կիպրոսի բուֆերային գոտում այնտեղ բնակվող կիպրոսցի թուրքերի դեմ։ Երկրի ղեկավարն այս մասին հայտարարել է Անկարայի նախագահական պալատում տեղի ունեցած նախարարների կաբինետի նիստից հետո ժողովրդին ուղղված իր ուղերձում, հայտնում է TRT հեռուստաալիքը։

Թուրք առաջնորդի խոսքով՝ այս գործողությունները «հանգեցրել են տարածաշրջանում լարվածության աճի»։ Նա նաև հայտարարել է, թե դրանք «չունեն մարդասիրական ու իրավական հիմքեր»։

Օգոստոսի 18-ին Կիպրոսում ՄԱԿ-ի խաղաղապահ ուժերը հայտնել էին, որ միջադեպը տեղի է ունեցել, երբ խաղաղապահները փակել են Պիլայի տարածքում չարտոնված ճանապարհային շինարարությունը: Օգոստոսի 17-ին կիպրոսցի թուրքերը շինարարական տեխնիկա էին բերել այնտեղ։ Երբ հաջորդ օրն սկսել էին աշխատանքները, խաղաղապահները միջամտել էին։ Արդյունքում նրանց միջեւ բախում էր սկսվել։