Արևմտյան Աֆրիկայի մերձակայքում ներգաղթյալների նավ է խորտակվել, ավելի քան 60 մարդ ենթադրաբար մահացել է
ՄԻՋԱԶԳԱՅԻՆ
Ավելի քան 60 մարդ է մահացած է համարվում Արևմտյան Աֆրիկայի Կաբո Վերդեի ափերի մոտ միգրանտներ տեղափոխող նավի հայտնաբերումից հետո, հայտնում է BBC-ն։
Սալ կղզում փրկվել է 38 մարդ, այդ թվում՝ երեխաներ։
Ենթադրվում է, որ նավի վրա գտնվողները, որոնք ծովում են եղել ավելի քան մեկ ամիս, Սենեգալից, Սիերա Լեոնեից և Գվինեա-Բիսաուից են:
Կաբո Վերդեի իշխանությունները կոչ են արել գլոբալ հակամիգրացիոն գործողություններ ձեռնարկել՝ կանխելու մարդկային հետագա կորուստները:
Նավն առաջին անգամ նկատվել է երկուշաբթի օրը, AFP լրատվական գործակալությանը հայտնել են ոստիկանությունից: Նախնական տեղեկություններով ենթադրվում էր, որ նավակը խորտակվել է, սակայն ավելի ուշ պարզվել է, որ այն գտել են է լողալիս:
Փայտե նավը նկատվել է Կաբո Վերդեի մաս Սալ կղզուց 320 կմ հեռավորության վրա՝ իսպանական ձկնորսական նավի կողմից, որն այնուհետև ահազանգել է իշխանություններին, հայտնել է ոստիկանությունը:
Փրկվածների թվում են 12-ից 16 տարեկան չորս երեխաներ, ասել է Միգրացիայի միջազգային կազմակերպության ներկայացուցիչը:
Նավը լքել է Սենեգալի Ֆեյս Բոյե ձկնորսական գյուղը հուլիսի 10-ին՝ 101 մարդով, երեքշաբթի հայտնել է Սենեգալի արտաքին գործերի նախարարությունը՝ վկայակոչելով փրկվածներին:
