Լեհաստանը պայմաններ է ստեղծում Բելառուսի հետ սահմանին զինվորականների տեղակայման համար

Լեհաստանի պաշտպանության նախարարությունը պայմանագիր է կնքել 140 բնակելի կոնտեյներ գնելու համար՝ զինվորականներին սահմանին տեղակայելու համար. հայտարարել է պաշտպանության նախարար Մարիուշ Բլաշչակը:

«Մենք ժամանակավոր ենթակառուցվածք ենք ստեղծում 1-ին հետևակային դիվիզիայի ստորաբաժանումների համար: Այսօր պայմանագիր է կնքվել ստորաբաժանումների համար 140 կոնտեյներների գնման համար»,- ասել է Բլաշչակը` հավելելով, որ այդ ենթակառուցվածքը տեղակայվելու է Բելառուսի հետ սահմանին: .

Մի քանի շաբաթ առաջ նմանատիպ ենթակառուցվածք սկսեցին տեղակայվել Կոլնո քաղաքում։

«Ընդամենը երեք ամսից զինվորներն այնտեղ կսկսեն իրենց մշտական ​​ծառայությունը»,- ընդգծեց նախարարը։ Նա նաև նշել է, որ «արևելյան թևի ամրապնդումը ներդրում է լեհերի և դաշնակիցների անվտանգությանը»։

Լեհաստանի պաշտպանության նախարարությունը ավելի վաղ հայտարարել էր, որ ծրագրում է ընդլայնել զինուժը մինչև 300 հազար մարդ, իսկ դիվիզիաների թիվը հասցնել վեցի։ Առաջնահերթություն է արևելյան թևի ուժեղացումը.