CNN-ը հայտնել է կասետային զենքի օգտագործման մասին ԱՄՆ-ին ներկայացված Կիևի առաջին զեկույցի մասին

 Ուկրաինան Պենտագոնին է ուղարկել  մարտական ​​գործողություններում կասետային զինամթերքի կիրառման իր առաջին զեկույցը, որը նախկինում ԱՄՆ-ն փոխանցել էր Ուկրաինայի Զինված ուժերին, հայտնում է CNN-ը՝ վկայակոչելով ուկրաինացի անանուն պաշտոնյային։

Աղբյուրի հաղորդմամբ՝ զեկույցը պարունակում է տեղեկատվություն արձակված արկերի քանակի, ինչպես նաև դրանց ոչնչացման թիրախների մասին։ Պաշտոնյան ստույգ թվեր չի հայտնել։

Ինչպես նշում է РБК-ն, Կիևին կասետային զինամթերք մատակարարելու որոշման մասին Սպիտակ տունը հայտարարել էր հուլիսի սկզբին։ ԱՄՆ նախագահ Ջո Բայդենը նշել էր, որ դա ժամանակավոր լուծում է, քանի դեռ հնարավոր չի լինի Ուկրաինայի զինված ուժերին սովորական զինամթերք տրամադրել։

Հուլիսի 20-ին Սպիտակ տան Ազգային անվտանգության խորհրդի համակարգող Ջոն Քիրբին հայտարարել էր ուկրաինական կողմից ռազմական գործողություններում կասետային զինամթերք օգտագործելու մասին։ Կիևը վստահեցրել էր Վաշինգտոնին, որ կասետային զինամթերքը կօգտագործվի միայն «պատշաճ վայրերում»՝ բնակավայրերից դուրս։ Ռուսաստանի Դաշնության պաշտպանության նախարարությունը և սահմանամերձ շրջանների իշխանությունները բազմիցս հայտարարել են Կիևի կողմից կասետային զինամթերք օգտագործելու մասին։ Հուլիսի 22-ին  ուկրաինական զինված ուժերի կողմից կասետային զինամթերքի գնդակոծության են ենթարկվել ռուս լրագրողները, ՌԻԱ Նովոստիի թղթակից Ռոստիսլավ Ժուրավլյովը զոհվելլ է ստացած վերքերից։

Մոսկվան դատապարտել է կասետային զինամթերքի փոխանցումը Կիևին։ Ռուսաստանը ձեռնպահ է մնում մարտական ​​գործողություններում կասետային զինամթերք օգտագործելուց, սակայն եթե դրանք փոխանցվեն Ուկրաինայի Զինված ուժերին, նա ստիպված կլինի կիրառել նմանատիպ միջոցներ, ասել է պաշտպանության նախարար Սերգեյ Շոյգուն։ Ռուսաստանի նախագահ Վլադիմիր Պուտինը նույնպես թույատրել է  հայելային պատասխան տալ Կիևի կողմից կասետային զինամթերքի կիրառմանը։