Արտակարգ դրություն Ղրիմի կամրջի վրա. կան զոհեր և վիրավորներ

Ղրիմի ղեկավար Սերգեյ Ակսյոնովը հայտարարել է Կրասնոդարի երկրամասի 145-րդ աջակցության տարածքում արտակարգ իրավիճակի պատճառով Ղրիմի կամրջի երթեւեկությունը դադարեցնելու մասին, հայտնում է «ՌԻԱ նովոստին»;

Ակսյոնովը Ղրիմի բնակիչներին և թերակղզու հյուրերին հորդորել է ձեռնպահ մնալ Ղրիմի կամրջով երթևեկելուց, ընտրել այլընտրանքային ճանապարհ նոր շրջաններով։

«Ռուսաստանի Դաշնության Քննչական կոմիտեի Ղրիմի Հանրապետության և Սևաստոպոլ քաղաքի գլխավոր քննչական վարչության ղեկավարությունը, հատկապես կարևոր գործերի քննության ամենափորձառու քննիչների խումբը և քրեագետ քննիչները մեկնել են դեպքի վայր՝ քննչական գործողություններ իրականացնելու համար՝ կապված Ղրիմի կամրջի վրա տեղի ունեցած միջադեպի հետ»,- ասվում է հաղորդագրության մեջ։

Իր հերթին, Ռուսաստանի տրանսպորտի նախարարությունը հայտնել է, որ Ղրիմի կողմից վնասվել է Ղրիմի կամրջի բացվածքների ճանապարհահատվածը։

Մինչդեռ Կրասնոդարի երկրամասի օպերատիվ շտաբի տվյալներով՝ անչափահաս երեխա է վիրավորվել Ղրիմի կամրջի վրա արտակարգ պատահարի ժամանակ։ Նախնական ախտորոշումը փակ գանգուղեղային վնասվածք է՝ միջին ծանրության վիճակ։

Քիչ անց Բելգորոդի մարզի նահանգապետ Վյաչեսլավ Գլադկովը հաստատել է տեղեկությունը, որ արտակարգ դեպքի հետևանքով 14-ամյա աղջիկ է տուժել։ Նրա ծնողները մահացել են։

«Այսօր առավոտը բոլորիս համար սկսվեց Ղրիմի կամրջի վրա տեղի ունեցած արտակարգ դեպքի մասին տեղեկություններով։ Մենք բոլորս ձեզ հետ համացանցում տեսագրությունում տեսանք Բելգորոդի համարներով վնասված մեքենա: Ինչ տեղեկություններ կան այս պահին. աղջիկը վիրավորվել է, վնասվածքը միջին ծանրության է, արդեն բժիշկների հսկողության տակ է... Ամենադժվարն այն է, որ մահացել են նրա ծնողները, հայրն ու մայրը»,- նշել է Գլադկովը Telegram-ի ալիքում։

Մարզային վարչակազմի ղեկավարը հանձնարարել է կապ հաստատել աղջկա հարազատների հետ։ Նա վստահեցրել է, որ իրեն անհրաժեշտ օգնություն կտրամադրեն։ Հենց բժիշկները թույլ տան, տուժածին կտեղափոխեն Բելգորոդի շրջան։

Ղրիմի կամրջի վրա վթարի պատճառով թերակղզու կողմից խցանում է առաջացել։

Ներկայումս չի գործում նաև լաստանավային ծառայությունը դեպի Ղրիմ։