«Շատերը չեն հասկանում». Ռուսաստանի Դաշնությունից զբոսաշրջիկն այցելել է 2 երկիր՝ Հայաստան և Վրաստան, և պատմել, թե որտեղ է ավելի լավ հանգստանալու համար
ՀԱՍԱՐԱԿՈՒԹՅՈՒՆ
Glas.ru-ն գրում է, որ TrueStory Travel Zen ալիքի այդ ռուս զբոսաշրջային բլոգերը բազմիցս է հանգստացել Հայաստանում և Վրաստանում։ Նա նշել է, որ շատերը չեն հասկանում երկու երկրների տարբեր հմայքը:
Բլոգերի կարծիքով Հայաստանը և Վրաստանը զբոսաշրջության առումով զգալի տարբերություններ ունեն։ Նա նախ հիշեցրել է, որ Հայաստանում, ի տարբերություն Վրաստանի, ծով չկա:
Զբոսաշրջիկը նշել է, որ երկրներում կան բազմաթիվ տարբեր պատմական տեսարժան վայրեր, սակայն դրանք ավելի շատ են Թբիլիսիում, քան Երևանում։ Դա պայմանավորված է նրանով, որ Հայաստանի բազմաթիվ տեսարժան վայրեր ոչնչացվել են։ Բայց Երևանի կենտրոնը մաքուր է ու գեղեցիկ՝ բազմաթիվ սրճարաններով։ Թբիլիսիում՝ հենց կենտրոնում, գտնվում է Հին քաղաքը, որտեղ կան բազմաթիվ գեղեցիկ նեղ փողոցներ գունավոր տներով:
Երկու երկրներում էլ ընթրիքի արժեքը մոտավորապես նույնն է։ Խոսքը 1000-1200 ռուբլի գումարի մասին է։ Զբոսաշրջիկը նշել է, որ ընդհանուր առմամբ արժե երկու երկրներն էլ այցելել։
Նյութը հրապարակման պատրաստեց Կամո Խաչիկյանը
