2023թ. հունիսը ամենաշոգն է եղել դիտարկումների ողջ պատմության ընթացքում

Անցած ամիսն ամենաշոգն է եղել դիտարկումների ողջ պատմության ընթացքում։ Այս մասին տեղեկացրել է ԱՄՆ օվկիանոսի եւ մթնոլորտային հետազոտությունների Ազգային վարչությունը (NOAA)։

Վերջին 174 տարիների ընթացքում սահմանվել է ջերմաստիճանի նոր ռեկորդ։ Օդի միջին ջերմաստիճանը 2023թ. հունիսին 1,05 աստիճանով ավելի բարձր էր հունիսի միջին ցուցանիշներից։ Նախորդ ռեկորդը սահմանվել է անցած տարի. այն ժամանակ ջերմաստիճանը գերազանցել է միջին մեծությունը 0,13 աստիճանով։

NOAA գնահատմամբ՝ 2023-ը ամենայն հավանականությամբ ամենաշոգ ամառներից մեկը կլինի դիտարկումների պատմության մեջ. ընթացիկ տարին կմտնի տասը ամենաշոգ ամառների ցուցակում, դրա հավանականությունը կազմում է 97 տոկոս։

Շոգ եղանակը կպահպանվի Միացյալ Նահանգների զգալի տարածքում։ Ինչպես տեղեկացրել է «Голос Америки»-ն, տեղի իշխանություններն ընդհանուր առմամբ տեղեկացրել են բարձր ջերմաստիճանի մասին ավելի քան 100 հազար ամերիկացիների. խոսքը վերաբերում է 15 նահանգներին՝ Արեւմտյան ափից մինչեւ Ֆլորիդա։