5,2 մագնիտուդ երկրաշարժ է գրանցվել. կան զգալի ավերածություններ
ՄԻՋԱԶԳԱՅԻՆ
Ռումինիայի Արադ կոմսությունում տասնյակ շենքեր, այդ թվում՝ դպրոցներ, հիվանդանոցներ և եկեղեցիներ, տուժել են 5,2 մագնիտուդով երկրաշարժից. հայտնում է Digi 24-ը։
Վնասներ են պատճառվել շրջանի խորհրդի պատմական շենքին, Պանկոտայի քաղաքապետարանի մշակութային կենտրոնին, Գիորոկի և Մինիշի ուղղափառ եկեղեցիներին, Կովասանտի ուղղափառ եկեղեցուն և Երիտասարդական կենտրոնին, ինչպես նաև այլ հասարակական շենքերին Ֆրումուսենիում, Ալունիսում կամ Դորոբանտիում։ Վնասվել են նաեւ տասնյակ առանձնատներ։
Արադ շրջանի Արտակարգ իրավիճակների կոմիտեն որոշել է տեղակայել տեխնիկական աջակցության թիմ՝ երկրաշարժի հետ կապված արտակարգ իրավիճակները կառավարելու համար: Թիմը կգնահատի տուժած հասարակական շենքերի անվտանգությունը։ Դրանից հետո որոշում կկայացվի քաղաքացիներին պատճառված վնասի փոխհատուցման մասին։
Հիշեցնենք, որ հունիսի 6-ին 5,2 մագնիտուդ ուժգնությամբ երկրաշարժ էր տեղի ունեցել Արևմտյան Ռումինիայում:
