Կիևն արձագանքել է Կրեմլում ԱԹՍ-ների հայտնվելու մասին տեղեկությանը

Կիևը պնդում է, որ որևէ առնչություն չունի անօդաչու թռչող սարքերով Կրեմլին հարվածելու ծրագրի հետ, հայտնում է Reuters-ը՝ վկայակոչելով ուկրաինացի բարձրաստիճան պաշտոնյային:

Ուկրաինայի նախագահի մամուլի քարտուղար Սերգեյ Նիկիֆորովն էլ հաստատել է, որ Կիևում տեղեկություն չունեն Կրեմլի վրա անօդաչու թռչող սարքերի գիշերային հարձակման մասին:

«Մենք տեղեկություն չունենք Կրեմլի վրա այսպես կոչված գիշերային հարձակումների մասին, սակայն, ինչպես նախագահ Զելենսկին բազմիցս հայտարարել է, Ուկրաինան ուղղորդում է բոլոր առկա ուժերն ու միջոցները սեփական տարածքների ազատագրմանը, այլ ոչ թե ուրիշների վրա հարձակումներին»,- ասել է նա։

Նրա խոսքով՝ հարձակումը Դնեպրի և Ումանի տների ավերված մուտքերն են, «իսկ այն, ինչ տեղի է ունեցել Մոսկվայում, ակնհայտորեն սրում է իրավիճակը մայիսի 9-ից առաջ»։

Կրեմլը կարող էր հարձակված լինել ռուս պարտիզանների կողմից, հայտարարել է Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը։

«Էներգետիկ օբյեկտներում կամ Կրեմլի տարածքում անհայտ անօդաչու թռչող սարքերի հայտնվելը կարող է միայն ցույց տալ տեղական դիմադրության ուժերի կուսակցական ակտիվությունը։ Ինչպես գիտեք, անօդաչու սարքեր կարելի է գնել ցանկացած ռազմական խանութից»,- գրել է Պոդոլյակը Twitter-ում։