ԵՄ-ն նոր պատժամիջոցներ է սահմանել Իրանի դեմ

Եվրամիությունն ընդլայնել է Իրանի դեմ պատժամիջոցներն այս պետությունում մարդու իրավունքների խախտումների համար՝ «սեւ ցուցակում» ներառելով եւս 32 ֆիզիկական եւ 2 իրավաբանական անձանց։ Համապատասխան փաստաթղթերը հրապարակված են ԵՄ «Պաշտոնական ամսագրում»։

«Իրանի հետ կապված բոլոր մտահոգիչ հարցերը լուծելու ԵՄ պարտավորության համաձայն՝ ներառյալ մարդու իրավունքների հետ կապված իրավիճակը, 32 ֆիզիկական եւ 2 իրավաբանական անձինք պետք է ներառվեն այն ֆիզիկական եւ իրավաբանական անձանց, կազմակերպությունների եւ մարմինների ցանկում, որոնց նկատմամբ կիրառվում են սահմանափակող միջոցներ», - ասվում է. հրապարակման մեջ։

Ավելի վաղ Եվրահանձնաժողովի նախագահ Ուրսուլա ֆոն դեր Լեյենը՝ ելույթ ունենալով Ստրասբուրգում Եվրախորհրդարանի լիագումար նիստում, հայտարարել էր, որ Եվրամիությունը ծրագրում է պատժամիջոցներ կիրառել իրանական ընկերությունների դեմ՝ Թեհրանի՝ Ուկրաինայում Ռուսաստանի գործողություններին իբր աջակցության պատճառով։

Մինչ այդ, The Guardian-ը, հղում անելով Թեհրանի աղբյուրներին, հայտնել էր, որ Իրանը օգտագործել է նավակներ և պետական ​​ավիաընկերություն՝ նոր տեսակի առաջադեմ մարտական ​​անօդաչու թռչող սարքեր Ռուսաստան տեղափոխելու համար։