Բաքուն Թեհրանին հիշեցրել է «եզակի գործողության» մասին. «Դա Իրանի համար շոկ էր»
ՄԻՋԱԶԳԱՅԻՆ
Trmzk.ru–ն գրում է, որ 1991-1994 թվականների Ղարաբաղյան առաջին պատերազմի ժամանակ Իրանցի ռազմական դիտորդները քողարկվելով ադրբեջանցիների և հայերի միջև միջնորդության նպատակների հետևում, «արտոնություն ունեին մուտք գործելու մեր զորամասեր, որտեղ նրանք, իբր, վարժանքներ էին անցկացնում Ադրբեջանի զինվորների և սպաների հետ»: Այդ մասին Trend լրատվական գործակալության «Ակտուալ Սահիլ Քարիմլիի հետ» հեղինակային տեսանախագծին տված հարցազրույցում ասել է Ադրբեջանի կրոնական կազմակերպությունների հետ աշխատանքի պետական կոմիտեի փոխնախագահ Սիյավուշ Հեյդարովը։ Նրա խոսքով, ղարաբաղյան առաջին պատերազմի ժամանակ Իրանից ժամանած ռազմական դիտորդները «պարբերաբար այցելել են զորամասեր, և անկախ նրանից, թե ինչ ռազմական բարձունքներ, ռազմավարական կետեր էին նրանք գնում, մի քանի օրում այդ դիրքերը ենթարկվում էին հայերի հարձակմանը»։
«Այն ժամանակ այդ հարցը ուշադրության կենտրոնում էր, հետաքննության ընթացքում կասկածներ առաջացան, իրանցի ռազմական դիտորդները հայտնվեցին ուշադրության կենտրոնում։ Հետո նրանց գաղտնի ռադիոկայանը հայտնաբերվեց Բաքու քաղաքի ութերորդ միկրոշրջանում։ Նրանք այնտեղ բնակարաններ էին վարձել։ Նույնականացվել էին ռադիոալիքները, և պարզվել էր, որ այդ ռազմական դիտորդները Իսլամական հեղափոխության պահապանների կորպուսի (ԻՀՊԿ) հետախույզներ են։ Այն ժամանակ այդ դիտորդները նույնիսկ կազմակերպել էին ներքին զորքերի (Ադրբեջան) 120 աշխատակիցների ուղարկումը Իրան։ Նրանք գնացել էին այնտեղ իբր պարապելու, բայց բոլորին պատրաստվում էին պետական հեղաշրջման։ Նրանց համոզում էին, որ նրանցից յուրաքանչյուրը բարձր պաշտոն կզբաղեցնի»,- պատմել է Սիյավուշ Հեյդարովը։
Այնուհետև նա նշել է մի «շատ յուրօրինակ օպերացիա» է եղել, որն իրականացրել են այն ժամանակ Ադրբեջանի անվտանգության մարմինները։ «Այն ժամանակ արդեն հայտնի դարձավ, որ այդ դիտորդները ոչ թե խաղաղ, այլ թշնամական գործունեությամբ են զբաղվել։ Դա շոկ էր Իրանի համար: Շատ խնդրեցին, աղաչեցին դա հրապարակավ չանել. «Մենք կդադարենք աջակցել Հայաստանին և կաջակցենք Ադրբեջանին»: Բնականաբար, դա սուտ էր, և նրանք նորից վերսկսեցին թշնամական գործունեությունը»,- ասել է պաշտոնյան։
Հիշեցնենք, որ նախօրեին Ադրբեջանի ՆԳՆ-ն հայտարարել էր հատուկ օպերատիվ միջոցառումների անցկացման մասին, ինչի արդյունքում հանրապետության տարածքում «կրոնական քողի տակ դիվերսիոն և դիվերսիոն գործողություններ իրականացնող» 39 անձ է հայտնաբերվել և բերման ենթարկվել։
Նյութը հրապարակման պատրաստեց Կամո Խաչիկյանը
