Ռուսաստանում հայտարարել են Ուկրաինայի հետ առանց նախապայմանների բանակցության պատրաստակամության մասին

Ռուսաստանի արտաքին գործերի նախարարության փոխղեկավար Սերգեյ Վերշինինը հայտարարել է, որ Ռուսաստանի Դաշնությունը պատրաստ է բանակցել Ուկրաինայի հետ, բայց առանց որևէ նախապայմանի։ Այս մասին հայտնում է Zvezda հրատարակության Telegram ալիքը։

Ռուսաստանցի դիվանագետի խոսքով՝ Մոսկվայի և Կիևի միջև քննարկումը կարող է իրականացվել միայն այն իրողության հիման վրա, որը կա ներկայումս։

«Այո, դասականներն ասում են, որ ցանկացած ռազմական գործողություն ավարտվում է բանակցություններով, և, բնականաբար, մենք արդեն ասել ենք, որ պատրաստ կլինենք նման բանակցությունների»,- ընդգծել է Վերշինինը։

Նա նաև հավելել է, որ Ռուսաստանն ու Ուկրաինան կկարողանան քննարկել միայն այն հարցերն ու նպատակները, որոնք ավելի վաղ հրապարակայնորեն հայտարարել էր ռուսական կողմը։

Մոսկվայի և Կիևի միջև ենթադրյալ բանակցությունների վերաբերյալ դիվանագիտական ​​գերատեսչության ղեկավարի տեղակալը դեռևս այլ մանրամասներ չի հայտնել։