Նախկինների հաշվին սնվելուն դեմ չեն․ Ռուբինյանի արկածները՝ Ստրասբուրգում 

Փաշինյանական վարչախմբի տարատեսակ պաշտոնյաները փրփուրը բերաններին քննադատում են նախկին իշխանությունների ներկայացուցիչներին՝ սեփական կողմնակիցների աչքին թոզ փչելով, բայց բնավ դեմ չեն նույն այդ նախկինների հաշվին եվրոպական տարատեսակ առաջնակարգ ռեստորաններում հաճելի ժամանակ անցկացնելուն։ 

Ազգային ժողովի փոխնախագահ Ռուբեն Ռուբինյանն օրերս Ստրասբուրգի կենտրոնում գտնվող «Դոֆին» ռեստորանում ընթրել է «Հայաստան» խմբակցության պատգամավոր, ՀՀ նախկին փոխվարչապետ Արմեն Գևորգյանի հետ, ականատեսների վկայությամբ, խնջույքի հաշիվն էլ փակել է Արմեն Գևորգյանը։ 
Հետաքրքիր է, երբվանի՞ց է Արմեն Գևորգյանը դարձել Ռուբինյանի հաշիվ փակողը, արդյո՞ք հասցրել է նրան նաև Ստրասբուրգում ծանոթացնել արվեստի բարձրարժեք նմուշների հետ։ Այսօր, Ազգային ժողովում նույն այդ Ռուբինյանը, թերևս, երանության էր հիշում Ստրասբուրգում ընդդիմադիր պատգամավորի հետ անցկացրած հաճելի պահերը, հընթացս էլ հեգնում «Քաղաքացիական պայմանագիր» խմբակցության պատգամավոր Լուսինե Բադալյանին։ «Տիկի՛ն Բադալյան, ձեր կյանքում թանկարժեք կտավ տեսե՞լ եք, որ քննարկում եք»,- ասել է ԱԺ փոխնախագահը կուսակցին: