Բաքվի ձայնը. «Պատժիչ գործողությունը կրկին կլինի»
ՄԻՋԱԶԳԱՅԻՆ
Regnum.ru-ն գրում է, որ Հայաստանն ու Ադրբեջանը շարունակում են միմյանց մեղադրել սադրանքների մեջ, որոնք սեպտեմբերի 13-ի գիշերը հանգեցրել են երկու երկրների սահմանին հակամարտության սրմանը։
ՀՀ ՊՆ մամուլի քարտուղար Արամ Թորոսյանը հաստատել է, որ հայկական կողմից կան զոհեր և վիրավորներ, նրանց թիվը պարզվում է։ Բացի այդ, հայկական կողմը հայտարարել է քաղաքացիական ենթակառուցվածքներին Ադրբեջանի հարվածների մասին։ Իր հերթին, Ադրբեջանի ռազմական գերատեսչությունը նույնպես հաստատել է զինվորականների շրջանում կորուստների մասին տեղեկությունները։ Բաքվի ներկայացուցիչները վստահեցնում են, որ հակամարտության սրման պատասխանատվությունը կրում է հայկական կողմը։
Ըստ տեղեկությունների կողմերը գնդակոծել են ոչ միայն խոշոր տրամաչափի հրետանային և անօդաչու թռչող սարքերով, այլ նաև հրթիռային համակարգերով։
Ադրբեջանցիները սոցիալական ցանցերում ակտիվորեն մեկնաբանում են իրավիճակը:
«Ղարաբաղ տեղեկագիր» հեռագրային ալիքի բաժանորդների կարծիքները.
Ալիմ Մամեդով. «Եթե այսպես շարունակվի, պատժիչ գործողությունը նորից կսկսվի»:
Ազեր Ահմեդով. «Հայերը սա են ուզում. աշխարհին ցույց տալ, որ արցախցիները չեն կարող ապրել Ադրբեջանի կազմում և հետևաբար այստեղ մշտապես ցեղասպանության են ենթարկվում»։
@arbilM1. «Մարդիկ ամեն օր մահանում են ինչ որ բանի համար, ուրախանալու ոչինչ չկա: Եթե ըստ ժողովրդի, ապա ամեն մեկն իրենին է հավատում, իսկ եթե ըստ պաշտոնների, ապա մեղքը միայն իր վրա է։ Անձամբ ինձ համար ժպտալու պատճառ չկա, երբ երկրի զավակները պաշտոնյաների պատվի ու փառքի համար սպանում են միմյանց»։
Նյութը հրապարակման պատրաստեց Կամո Խաչիկյանը
