Թրամփն իր տանը փաստաթղթեր է պահել օտար պետության միջուկային հնարավորությունների մասին. Washington Post
ՄԻՋԱԶԳԱՅԻՆ
ԱՄՆ նախկին նախագահ Դոնալդ Թրամփի ունեցվածքի խուզարկության ժամանակ օտարերկրյա պետության միջուկային հնարավորությունների վերաբերյալ փաստաթղթեր են հայտնաբերվել, հայտնում է Washington Post-ը։
Հետախուզությունների դաշնային բյուրոյի գործակալները օգոստոսի 8-ին խուզարկության ժամանակ փաստաթղթեր են գտել, որոնք նկարագրում են օտարերկրյա կառավարության ռազմական պաշտպանությունը, ներառյալ միջուկային հնարավորությունները, ասում են իրավիճակին ծանոթ աղբյուրներ:
Ըստ զեկույցի՝ հայտնաբերված որոշ նյութեր նկարագրում են ամերիկյան հույժ գաղտնի գործողությունները այնքան մանրամասն, որ նույնիսկ ազգային անվտանգության բարձրաստիճան պաշտոնյաները չեն տեսել դրանք, և միայն նախագահը և վարչակազմի պաշտոնյաների սահմանափակ շրջանակն ունեն այդ տվյալները։ Թերթի աղբյուրները չեն նշում, թե որ երկրի մասին է խոսքը։
Թրամփի Ֆլորիդայի Մար-ա-Լարգո կալվածքը օգոստոսի սկզբին խուզարկության է ենթարկվել՝ որպես պաշտոնական նյութերի անօրինական օգտագործման, գողության և ոչնչացման գործի մաս: Իրավապահները առգրավել են տարբեր աստիճանի գաղտնիության գրեթե հարյուր փաստաթուղթ՝ ընդհուպ մինչև ամենաբարձր մակարդակի։ Թրամփն ավելի վաղ հայտարարել էր, որ միջուկային զենքի վերաբերյալ իր՝ գաղտնի փաստաթղթերի տիրապետման մասին տեղեկությունները չեն համապատասխանում իրականությանը։
