Երևանում կոտրել են Ավանի անձնագրային բաժանմունքի դռան և դահլիճի պատուհանի ապակիները

Ոստիկանության Նոր Նորքի բաժնում գույքի դիտավորությամբ ոչնչացում հատկանիշներով նյութեր են նախապատրաստվել և փոխանցվել են Հայաստանի քննչական կոմտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին՝ քրեական վարույթ նախաձեռնելու համար:

Ինչպես հայտնում է Shamshyan.com-ը, երեկ սեպտեբերի 5-ին, ոստիկանության Նոր Նորքի բաժին է դիմել Երևանի բնակիչ Գոհար Ստեփանյանը և հայտնել, որ սեպտեմբերի 2-ի ժամը 20:00-ից մինչև սեպտեմբերի 5-ի ժամը 08:00-ն ընկած ժամանակահատվածում անհայտ անձը կամ անձինք դիտավորությամբ կոտրել են Ավան վարչական շրջանի Իսահակյան թաղամասում գտնվող ՀՀ ոստիկանության անձնագրային վիզաների վարչության Ավանի անձնագրային բաժնի մուտքի դռան և  դահլիճի պատունի ապակիները:

Գ. Շամշյանի տեղեկութուններով՝ ոստիկանության Նոր Նորքի  բաժնի և ոստիկանության Ավանի բաժանմունքի քրեական հետախույզները ենթադրյալ կասկածյալի ինքնությունը պարզել են և ձեռնարկում են անհրաժեշտ միջոցառումներ՝ նրան հայտնաբերելու ուղղությամբ:

Ֆոտոլրագրողի տեղեկություններով՝ ոստիկանություն ահազանգած Գ. Ստեփանյանը Ավանի անձնագրային բաժանմունքի պետի ժամանակավոր պաշտոնակատարն է: