ԱՄՆ-ն ճնշում է գործադրում Ճապոնիայի վրա. Զախարովա
ՄԻՋԱԶԳԱՅԻՆ
ՌԴ ԱԳՆ պաշտոնական ներկայացուցիչ Մարիա Զախարովան ասել է, որ ԱՄՆ-ը դեսպանի միջոցով բացահայտորեն մղում է Ճապոնիային ամբողջովին հրաժարվելու ռազմական ոլորտում սահմանափակումներից։ Այս մասին նա գրել է Telegram-ի ալիքում։
Նա նշել է, որ Ճապոնիայում ԱՄՆ դեսպան Ռահմ Էմանուելը քարոզում է Ճապոնիայի վարչապետ Ֆումիո Կիսիդայի գաղափարը երկրի պաշտպանական բյուջեի զգալի ավելացման մասին։ Բացի այդ, Զախարովան հիշեցրել է, որ Կիշիդան ընդունել է հակառակորդի հենակետերին կանխարգելիչ հարվածներ հասցնելու հնարավորությունը։
«Տոկիոյի վերնախավի նման ռևանշիստական տրամադրությունները զսպելու փոխարեն՝ Վաշինգտոնը իր դեսպանի բերանով բացահայտորեն մղում է Ճապոնիային ամբողջությամբ հրաժարվել ռազմական ոլորտում սահմանափակումներից, որոնք ամրագրված են երկրի սահմանադրությամբ», - ասել է Զախարովան։
Նրա կարծիքով, ներկայումս ամերիկյան դիվանագիտությունը պետք է լարվածության օջախներ ստեղծի ամբողջ աշխարհում և ԱՄՆ-ին ներկայացնի որպես կայունության երաշխավոր։ Դրանից հետո ամերիկացիները «արբանյակներից դուրս կհանեն կրիտիկական ռեսուրսներն ու տեխնոլոգիաները, կենթարկեն առաջին պատասխան հարվածին»,- հավելել է ՌԴ ԱԳՆ ներկայացուցիչը։
