Ճապոնիան ներկայացրել է մինչև 79% թափանցիկությամբ արևային մարտկոցներ

Fbm.ru-ն գրում է, որ Ճապոնիայի Տոհոկուի համալսարանի գիտնականները ստեղծել են արևային մարտկոցներ մինչև 79% թափանցիկությամբ, որոնք կընդլայնեն այդ սարքերի կիրառման շրջանակը: Այդ մասին գրել է Nature ամսագիրը։

Գիտնականները ստեղծել են թափանցիկ արևային բջիջներ` օգտագործելով ինդիումի անագի օքսիդը, որը բարձր հաղորդունակություն ունի։ Ինդիումի անագի օքսիդի և վոլֆրամի դիսուլֆիդի ծածկույթի միջև փորձագետները տեղադրել են վոլֆրամի օքսիդի շերտ։

Փորձագետների կարծիքով այդ մեթոդի շնորհիվ հնարավոր է եղել 1000 անգամ բարձրացնել էներգիայի փոխակերպման արդյունավետությունը համեմատած այն սարքի հետ, որն ուներ սովորական ինդիում-անագ օքսիդի էլեկտրոդ:

Իրենց թափանցիկության շնորհիվ նոր ֆոտոգալվանային բջիջները կարող են օգտագործվել բազմաթիվ մակերեսների վրա, ինչպիսիք են պատուհանները, մեքենաների դիմապակին կամ նույնիսկ դյուրակիր սարքերը: Այսօր ճապոնացի գիտնականների թիմն աշխատում է նոր տեխնոլոգիան առկա արևային մարտկոցներում ինտեգրելու ուղղությամբ:

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]