Սերգեյ Մենյայլոն հանդիպել է Առնո Բաբաջանյանի հիշատակի հիմնադրամի նախագահի հետ
ՄԻՋԱԶԳԱՅԻՆ
Nia-kavkaz.ru-ն գրում է, որ Հյուսիսային Օսիա-Ալանիայի ղեկավար Սերգեյ Մենյայլոն հանդիպել է խորհրդային հայտնի կոմպոզիտոր Արայիկ Բաբաջանյանի որդու, Առնո Բաբաջանյանի հիշատակի միջազգային հիմնադրամի նախագահ Արաիկ Բաբաջանյանի հետ։ Հանդիպմանը մասնակցել է նաև Ռուսաստանի և Հյուսիսային Օսիայի արվեստի վաստակավոր գործիչ, կոմպոզիտոր Ացամազ Մակոևը։
Քննարկման թեման եղել է Վլադիկավկազում Առնո Բաբաջանյանի անվան երաժշտական փառատոնի անցկացման հնարավորությունը, որին կմասնակցեն Ռուսաստանի հայտնի ռազմական նվագախմբերը և կատարողներ Հյուսիսային Օսիայից։ Արայիկ Բաբաջանյանը նշել է, որ Առնո Բաբաջանյանի հիշատակի հիմնադրամը ստեղծվել է 1991 թվականին կոմպոզիտորի ընկերներ Արթուր Չիլինգարովի և Վալերի Գերգիևի նախաձեռնությամբ։ Ավելին, Հյուսիսային Օսիայում հիմնադրամը ստացել է իր շարունակությունը, Վլադիկավկազում գործում է կազմակերպության տարածքային մասնաճյուղը Աշոտ Հարությունյանի գլխավորությամբ։
«2017 թվականից մենք անցկացնում ենք միջազգային փառատոն, որը հիմնադրվել է մեր հիմնադրամի կողմից, և որին ավանդաբար մասնակցում են Ռուսաստանի և Հայաստանի զինվորական նվագախմբերը։ Առաջարկում ենք հաջորդ խոշոր միջոցառումն անցկացնել Հյուսիսային Օսիայում, այն հողում, որը մեր երկրին տվել է այդքան հերոսներ, հարուստ է իր ռազմական պատմությամբ,»,- ասել է Արայիկ Բաբաջանյանը։
Հանրապետության ղեկավարը պաշտպանել է առաջարկը ընդգծելով նախագծի արդիականությունը։
«Ես լիովին պատրաստ եմ աջակցել ողջ հանրապետության համար նման կարևոր և անհրաժեշտ նախագծին։ Փառատոնի անցկացումը Ռուսաստանում արդեն դարձել է լավ և շատ բարի ավանդույթ՝ կրելով բովանդակալից, դաստիարակչական, հայրենասիրական բնույթ ոչ միայն ավագ, այլ նաև երիտասարդ սերնդի համար, ում համար այսօր կարևոր է լավ երաժշտությամբ մեծանալը, ռուսական հոգևոր արժեքների վրա դաստիարակվելը։ Ես պատրաստ եմ ցուցաբերել ամբողջ անհրաժեշտ օգնությունը»,- ընդգծել է Սերգեյ Մենյայլոն։
Առնո Բաբաջանյանի անվան երաժշտական փառատոնն անցկացվում է 1991 թվականից և դարձել է ամենամյա։ Հիմնադրամն ակտիվորեն աշխատում է Առնո Բաբաջանյանի ստեղծագործական ժառանգության պահպանման և երաժշտության հանրահռչակման ուղղությամբ, անցկացնում է փառատոներ և համերգներ Ռուսաստանի և ԱՊՀ տարբեր քաղաքներում, ձայնագրում է կոմպոզիտորի ստեղծագործությունները, հայտնաբերում և աճեցնում է երիտասարդ տաղանդավոր կատարողներին:
Նյութը հրապարակման պատրաստեց Կամո Խաչիկյանը
